استانا. قازاقپارات - 19-مامىر، جەكسەنبى كۇنى شىعىس ازەربايجاننىڭ ۆارزاكان ايماعىنداعى تەبريز قالاسىنا ۇشىپ بارا جاتىپ اپاتقا ۇشىراعان يران يسلام رەسپۋبليكاسىنىڭ سەگىزىنشى پرەزيدەنتى اياتوللا سەيەد يبراحيم رايسي قاسىنا ەرتكەن رەسمي تۇلعالارمەن قوسا قايتىس بولدى، دەپ حابارلايدى يراننىڭ Irna اگەنتتىگى.
تىكۇشاق قۇلاعان ايماقتىڭ جەرگىلىكتى اقپارات كوزدەرى پرەزيدەنت پەن ونىڭ سەرىكتەرىنىڭ قازا تاپقانىن راستادى.
تىكۇشاق بورتىندا جوعارعى كوشباسشىنىڭ وكىلى جانە تەبريز جۇما نامازىنىڭ يمامى، سىرتقى ىستەر ءمينيسترى حوسەين امير ابدوللاحيان، شىعىس ازەربايجان گۋبەرناتورى مالەك راحماتي، پرەزيدەنتتىك قاۋىپسىزدىك بولىمشەسىنىڭ قولباسشىسى گەنەرال سەيەد ماحدي مۋساۆي جانە تىكۇشاقتىڭ باسقا دا ەكيپاج مۇشەلەرى بولدى.
وسىعان بايلانىستى يسلام رەسپۋبليكاسىنىڭ ۇكىمەتى جاقىن ارادا ءتيىستى مالىمدەمە جاسايدى.
اۆتور
ەركەجان سماعۇلوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан