«ياندەكس. تاكسي» تەرگەۋى: مارات وماروۆ ءىس نەمەن اياقتالعانىن ايتتى

استانا. KAZINFORM - باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆ «ياندەكس. تاكسيگە» قاتىستى تەرگەۋدىڭ نەمەن اياقتالعانىن مالىمدەدى.

بۇگىندە اگەنتتىك پەن «ياندەكس» اراسىندا پروتسەسسۋالدى كەلىسىم جاسالعان. وندا ءوزارا مىندەتتەمەلەر كورسەتىلگەن. ەگەر شارت بۇزىلعان جاعدايدا ونى قايتا قاراپ، ءتيىستى شارا قولدانىلۋى مۇمكىن. دەگەنمەن تاكسي قىزمەتىنىڭ باعاسىنا قاتىستى ماسەلە ءالى دە تۇپكىلىكتى شەشىلگەن جوق.

«باعاعا قاتىستى ماسەلە سول كۇيى قالىپ وتىر. ەگەر كۇرت قىمباتتاۋ، نورمادان 10 ەسە ارتۋ فاكتىسى بولسا، وندا ءبىز قايتادان ونى قاراۋعا دايىنبىز. شاعىمدار ءتۇسىپ جاتىر. دەگەنمەن سانى ازايدى. ماسەلە تۋىنداعان جاعدايدا ونى سارالايتىن بولامىز»، - دەدى مارات وماروۆ.

ونىڭ اتاپ وتۋىنشە، سوت تالقىلاۋى بارىسىندا تاراپتار ىمىراعا كەلىپ، تۇتىنۋشىلار ءۇشىن دە، اگرەگات جۇرگىزۋشىلەرى ءۇشىن دە كوميسسيا الىمىن تومەندەتۋگە ۋاعدالاسقان.

اۆتور

مارلان جيەمباي