مينيسترلىك ءوز قۇزىرەتى اياسىندا ۇيالى بايلانىس وپەراتورلارىنا ساپاسىز قىزمەتتەرىن ۇسىنعانى ءۇشىن ايىپپۇل سالۋ وكىلەتتىگىنە يە.
وسىلايشا، 2023 -جىلى ۆەدومستۆو 782 تەكسەرۋ جۇرگىزىپ، 3 ميلليارد 288 ميلليون تەڭگە كولەمىندە ايىپپۇل سالدى. بيۋدجەتكە زاڭنامادا كوزدەلگەن جەڭىلدىكتى ەسكەرە وتىرىپ، 1 ميلليارد 644 ميلليون تەڭگە تولەندى، ونىڭ ىشىندە وپەراتورلار بويىنشا:
Tele2 ارقىلى 751,4 ميلليون تەڭگە؛
Kcell ارقىلى 563,2 ميلليون تەڭگە؛
Beeline ارقىلى 329,4 ميلليون تەڭگە تولەدى.
سونداي-اق مينيسترلىكتىڭ 2020-2022 -جىلدار ارالىعىندا ساپاسىز بايلانىس ءۇشىن تەكسەرۋ جۇرگىزۋ جانە ايىپپۇل سالۋ ستاتيستيكاسىمەن تانىسۋدى ۇسىنامىز.
2020 -جىلى مينيسترلىك 93 تەكسەرۋ جۇرگىزىپ، 47,8 ميلليون تەڭگە كولەمىندە ايىپپۇل سالدى.
2021 -جىلى جۇرگىزىلگەن تەكسەرۋلەر سانى ەداۋىر ءوستى: جۇرگىزىلگەن 562 تەكسەرۋ اياسىندا جالپى سوماسى 264 ميلليون تەڭگەگە ايىپپۇل سالىندى.
2022 -جىلى مينيسترلىك جۇرگىزگەن تەكسەرىستەر سانى ەكى ەسەگە ءوستى – 1175، ناتيجەسىندە ۇيالى بايلانىس وپەراتورلارىنا 1,6 ميلليارد تەڭگە سوماسىنا ايىپپۇل سالىندى.
تەكسەرۋلەر جۇرگىزۋ جانە ايىپپۇلداردى ۇلعايتۋ وپەراتورلاردىڭ كورسەتىلەتىن قىزمەتتەردىڭ ساپاسى ءۇشىن جاۋاپكەرشىلىگىن ارتتىرۋعا مۇمكىندىك بەردى.
«ماسەلەن، 2019-2022 -جىلدار ارالىعىندا ايىپپۇلدار وسكەنگە دەيىنگى كەزەڭدە وپەراتورلار ۇيعارىمداردىڭ تەك 3 ىن ورىندادى. ايىپپۇلداردى ارتتىرۋ بويىنشا جۇمىستار جۇرگىزىلگەننەن كەيىن، 2023 -جىلى وپەراتورلار نۇسقامالاردىڭ e ىن ورىندادى»، - دەلىنگەن حابارلامادا.