ءانشى ءوزىنىڭ Instagram پاراقشاسىندا «كىتاپ وقيتىن ۇلت» رەسپۋبليكالىق مارافونىنا قاتىساتىنىن حابارلادى.
- 2026-جىلدىڭ مامىر ايىندا قازاقستان رەسپۋبليكاسىنىڭ پرەزيدەنتى «كىتاپ وقۋ مادەنيەتىن دامىتۋ جانە زەردەلى ۇلت قالىپتاستىرۋ شارالارى تۋرالى» جارلىققا قول قويدى. قاسىم-جومارت كەمەل ۇلى توقايەۆتىڭ باستاماسىمەن جانە قازاقستان رەسپۋبليكاسىنىڭ مادەنيەت جانە اقپارات مينيسترلىگىنىڭ قولداۋىمەن ەلىمىزدە وقۋ مادەنيەتىن كەڭىنەن ناسيحاتتاۋعا باعىتتالعان «كىتاپ وقيتىن ۇلت» اتتى جاڭا رەسپۋبليكالىق مارافون باستاۋ الدى. مەن دە وسى مارافونعا ارنايى، بايقاۋدان تىس «پاراسات» ساناتى بويىنشا قاتىسۋدى ءجون كوردىم. سوڭعى ۋاقىتتا وقىعان كىتاپتارىمنىڭ ءبىرى - بەلگىلى قازاقستاندىق سۋرەتشى، يادرولىق قارۋعا قارسى قوزعالىستىڭ بەلسەندىسى كارىپبەك كۇيىكوۆتىڭ «جيزن بەز رۋك» («قولسىز ءومىر») اتتى اۆتوبيوگرافيالىق تۋىندىسى،-دەپ جازدى ديماش.
ونىڭ سوزىنشە، قاراعاندى قالاسىندا كەنشىلەر كۇنىنە ارنالعان كونسەرت قارساڭىندا كارىپبەك اعا كۇيىكوۆپەن جۇزدەسىپ، جەكە كەزدەسۋدىڭ ءساتى تۇسكەن.
- ونىڭ ءومىر جولى، تاعدىر تاۋقىمەتىنە مويىماس قايسارلىعى مەن رۋحىنىڭ بەرىكتىگى ماعان ەرەكشە اسەر قالدىردى. «كىتاپ وقيتىن ۇلت» مارافونى جاڭا كىتاپتاردى وقۋعا، ولاردان تاعىلىم الۋعا جانە وقىعانىمىزدى ءبىر-بىرىمىزبەن بولىسۋگە سەبەپ بولسىن! - دەپ ۇندەدى ءانشى.
بۇعان دەيىن كىتاپ وقۋدى قولدايتىندارعا ارنالعان جاڭا مارافون باعىتى اشىلعانىن جازعانبىز.