ديماش الەمدىك تۋردىڭ العاشقى تاراۋىنىڭ كونسەپسياسىن تانىستىردى

بۇل تۋرالى dimashnews.com جازدى.

1-تاراۋ I ۇنەمى وزگەرىستە. ۇنەمى شىنايى

تەرەڭ ءارى ءمولدىر قىزىل ءتۇس تەك ديماشقا عانا ارنالىپ جاسالعان رۋحتىڭ شەڭبەرلى تەاترىن بويىنا سىيعىزعانداي. ونىڭ ءدال ورتاسىندا - القىزىل كەڭىستىكتىڭ جالعىز وزەگى ىسپەتتى ءوزى تۇر. ونى ءوزىنىڭ سان قيلى بەينەلەرى قورشاعان، الايدا ولاردىڭ بىردە-ءبىرى ەكىنشىسىنە ۇقسامايدى. ءاربىر تۇلعا ءومىرىنىڭ جەكە ءبىر تاراۋىن، ەشقانداي شارتتىلىقپەن شەكتەلمەگەن جان دۇنيەسىنىڭ وزىندىك ءبىر قىرىن ساقتايدى.

ءار بەينە ورتالىقتاعى ءوزىنىڭ شىنايى «مەنىنە» كوز تىگەدى. ءوز-وزىمەن ءۇنسىز، ءبىراق تەرەڭ ديالوگ ىسپەتتى: قايتا پايىمداۋ، ءوزىن تانۋ جانە ىشكى ۇيلەسىمگە كەلۋ ۇدەرىسى. شەڭبەرلى كومپوزيتسيا بار نازاردى ىشكە قاراي باعىتتاپ، تۇيىقتالعان كوركەمدىك اينالىم قالىپتاستىرادى. مۇندا ءاربىر ولشەم، تۇپتەپ كەلگەندە، ءوز باستاۋىنا قايتا ورالادى. وتكەنىنە، ءوزىنىڭ سان الۋان بەينەلەرى مەن تۇلعاسىنىڭ جاسىرىن قىرلارىنا كوزبە-كوز كەلگەن ول بۇل ەستەلىكتى قابىلداۋعا، سونداي-اق تۇلعالىق قالىپتاسۋ جولىندا ءجۇرىپ وتكەن ءاربىر بەلەستى مويىنداپ، بەكەمدەلەدى.

بۇل - DIMENSIONS. ۋاقىت پەن كەڭىستىكتى شارلاۋ تۋرالى فانتازيا ەمەس. بۇل - ادامنىڭ ءوز بولمىسىنىڭ تۇتاستىعىمەن بەتپە-بەت كەلەتىن ىشكى ساپارى.