مىڭ تەڭگەلىك كيىمگە تالاس: قىزىلوردادا دۇكەن يەسىنە ايىپپۇل سالىندى

الەۋمەتتىك جەلىدە تاراعان بەينەجازبادا ساۋدا نۇكتەسىنە جينالعان تۇرعىنداردىڭ كيىم الۋ كەزىندە يتەرىسىپ، ءبىر-بىرىمەن تالاسقان ءساتى بەينەلەنگەن.

- بۇل - قىزىلورداداعى «جىبەك جولى» ساۋدا ءۇيىنىڭ 3-قاباتىندا 4-قاراشا كۇنى بولعان جاعداي. ادامداردى قورلاۋ ەمەس پە بۇل؟! ورتاعا ءبىر قاپتى لاقتىرىپ جىبەرگەن. سودان كەيىن ادامدار 1000 تەڭگەلىك كۇرتەلەردى الۋ ءۇشىن ءبىر-ءبىرىنىڭ ۇستىنە شىعىپ، تالاسا باستاعان. كيىمدەردى ءبىر-بىردەن، كەزەكپەن تاراتۋعا بولماي ما؟ - دەلىنگەن Instagram الەۋمەتتىك جەلىسىندەگى KritikaKyzylordy پاراقشاسىنداعى جازبادا.

الەۋمەتتىك جەلى قولدانۋشىلار قاۋىپسىزدىك تالاپتارىنىڭ ساقتالماۋىنا جانە ناۋقاننىڭ ۇيىمداستىرىلۋىنا سىن ايتتى.

قىزىلوردا اكىمدىگى اتالعان ماسەلەگە بايلانىستى تۇسىنىك بەردى.

- 4-قاراشا كۇنى وتكىزىلگەن ناۋقان اياسىندا قاۋىپسىزدىك شارالارىنىڭ ساقتالماۋىنا بايلانىستى دۇكەن يەسىنە ايىپپۇل سالىنعانىن حابارلايمىز، - دەلىنگەن رەسمي جاۋاپتا.

ەسكە سالايىق، جىل باسىندا قىزىلوردا قالاسىندا سپورتتىق اياق كيىمدەر دۇكەنىندە بارلىق زاتتى جەڭىلدىكپەن جاپپاي ساتىلىمعا شىعارۋىنا بايلانىستى حالىق اراسىندا دۇربەلەڭ تۋىنداعان. وقيعاعا بايلانىستى كاسىپكەر كەشىرىم سۇرادى.