بۇل تۋرالى قارجى مينيسترلىگى مەملەكەتتىك كىرىستەر كوميتەتى حابارلادى.
جاڭا تالاپ بويىنشا، سالىق بەرەشەگى 27 مىڭ ا ە ك- تەن اسىپ، قارىز ءۇش ايدان استام ۋاقىت وتەلمەسە، بورىشكەردىڭ ەلدەن شىعۋىنا شەكتەۋ قويىلۋى مۇمكىن.
كىمدەرگە قاتىستى؟
بۇل شارا جەكە كاسىپكەرلەرگە، جەكە پراكتيكامەن اينالىساتىن تۇلعالارعا، زاڭدى تۇلعالاردىڭ ءبىرىنشى باسشىلارىنا جانە ولاردىڭ مىندەتىن اتقارۋشىلارعا قاتىستى قولدانىلادى.
نورما 2026-جىلعى 1-شىلدەدە كۇشىنە ەنگەنىمەن، ونى ءىس جۇزىندە قولدانۋ قازان ايىندا باستالدى. شەتەلگە شىعۋعا شەكتەۋ قويۋ ءۇشىن سوتتىڭ سانكسياسى قاجەت. ول ءۇشىن مەملەكەتتىك كىرىستەر ورگانى قاۋلى شىعارىپ، سوتقا جولدايدى. سوت ماقۇلداعاننان كەيىن قۇجات ءتيىستى اقپاراتتىق جۇيە ارقىلى ورىندالادى.
سالىق قارىزىن ءوندىرىپ الۋ ءتارتىبى
2026-جىلعى 1-قاڭتاردان باستاپ قازاقستاندا سالىق بەرەشەگىن ماجبۇرلەپ ءوندىرىپ الۋ ءتارتىبى دە وزگەردى. بۇعان دەيىن تاۋەكەلدەردى باسقارۋ جۇيەسىنە قاراي، 1 تەڭگە قارىز ءۇشىن دە ءوندىرىپ الۋ شارالارى قولدانىلۋى مۇمكىن ەدى. ەندى شارالار بەرەشەك مولشەرىنە بايلانىستى بەلگىلەنەدى.
مەملەكەتتىك كىرىستەر كوميتەتىنىڭ مالىمەتىنشە، سالىق قارىزى 20 ا ە ك- تەن از بولسا، بورىشكەرگە حابارلاما جىبەرىلىپ، ءوسىمپۇل ەسەپتەلەدى. بۇل جاعدايدا باسقا ءوندىرىپ الۋ شارالارى قولدانىلمايدى.
ال بەرەشەك 20 ا ە ك- تەن 45 ا ە ك- كە دەيىن بولسا، سالىق تولەۋشىگە قارىزدى وتەۋ تۋرالى حابارلاما جىبەرىلەدى. سونىمەن قاتار بانك شوتتارى مەن كاسساداعى شىعىس وپەراتسيالارى توقتاتىلىپ، ينكاسسالىق وكىمدەر قويىلادى.
ەگەر قارىز 45 ا ە ك- تەن اسسا، زاڭدا كوزدەلگەن بارلىق ءوندىرىپ الۋ شارالارى قولدانىلادى. ونىڭ ىشىندە بورىشكەردىڭ مۇلكىن تۇگەندەۋ جانە ساتۋ، سونداي-اق وعان قارىز باسقا تۇلعالاردان قاراجات ءوندىرىپ الۋ بار.
كوميتەت بۇل وزگەرىستەر شاعىن كولەمدەگى قارىز ءۇشىن كاسىپكەرلىك قىزمەتتىڭ توقتاپ قالۋىنا جول بەرمەۋگە جانە ءىرى سالىق بەرەشەگىن ۇزاق ۋاقىت وتەمەيتىندەردىڭ جاۋاپكەرشىلىگىن ارتتىرۋعا باعىتتالعانىن اتاپ ءوتتى.