وزبەكستاننىڭ سىرتقى قارىزى 68,4 ميلليارد دوللارعا جەتتى

تاشكەنت. قازاقپارات - 2025 -جىلدىڭ ءبىرىنشى توقسانىندا وزبەكستاننىڭ سىرتقى قارىزى 4,3 ميلليارد دوللارعا ءوستى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

وزبەكستان ورتالىق بانكىنىڭ دەرەگىنشە، قاڭتار- ناۋرىز ايلارى ارالىعىندا ەلدىڭ جيىنتىق سىرتقى قارىزى 68,4 ميلليارد دوللارعا جەتكەن. ونىڭ ىشىندە 35,8 ميلليارد دوللار مەملەكەتتىڭ سىرتقى قارىزى بولسا، 32,6 ميلليارد دوللار كورپوراتيۆتىك بەرەشەك سانالادى.

رەتتەۋشى ورگاننىڭ ەسەبىندە باياندالعانداي، ءبىرىنشى توقساندا الەمدىك ەكونوميكادا كۇردەلى وزگەرىستەر بولدى. وسىعان بايلانىستى جاھاندىق نارىقتا ەنەرگيا رەسۋرستارىنىڭ باعاسى قىمباتتادى. بۇل ءۇردىس وزبەكستاننىڭ ەكسپورت الەۋەتىنىڭ السىرەۋىنە جول بەرمەدى.

ەسكە سالايىق، 2024 -جىلدىڭ قورىتىندىسى بويىنشا وزبەكستاننىڭ جالپى مەملەكەتتىك سىرتقى قارىزى 10,8 ميلليارد دوللارعا ءوسىپ، 64,1 ميلليارد دوللارعا جەتكەن ەدى. وسىلايشا، قارىز سوماسى ەلدىڭ جالپى ىشكى ءونىم كولەمىنىڭ 55,7 پايىزىنا تەڭەلدى.

قوسا كەتسەك، دۇنيەجۇزىلىك بانك بيىلوزبەكستان ەكونوميكاسىنىڭ ءوسىمىن %5,8 دەڭگەيىندە بولجاپ وتىر.

اۆتور

ءاليحان اسقار