وزبەكستاندىقتى ا ق ش- تىڭ ورنىنا افريكاعا جۇمىسقا جىبەرگەن كۇدىكتى ۇستالدى

 تاشكەنت. KAZINFORM - وزبەكستاننىڭ جيزاق وبلىسىندا جەرگىلىكتى تۇرعىندى ا ق ش- قا جۇمىسقا ورنالاستىرامىن دەپ ۋادە بەرىپ، ءبىراق ونى وڭتۇستىك افريكاعا جىبەرگەن ەر ادام ۇستالدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

جيزاق وبلىسى بويىنشا ىشكى ىستەر باس باسقارماسىنىڭ مالىمەتىنشە، «حايروبود» ماحاللياسىنىڭ ي. م. ەسىمدى تۇرعىنى قۇقىق قورعاۋ ورگانىنا ارىز تۇسىرگەن. ونىڭ ۇلىنا ا. يا. ەسىمدى ازامات ا ق ش- قا جۇمىسقا جىبەرۋگە ۋادە ەتىپ، ول ءۇشىن 14,3 مىڭ دوللار الىپ، ارىزدانۋشىنىڭ بالاسىن وڭتۇستىك افريكاعا جىبەرگەن.

سونداي- اق جابىرلەنۋشى ۇلىنىڭ افريكادا قيىن جاعدايدا قالىپ قويعانىن جانە ا. يا. ەسىمدى تۇرعىننىڭ ماسەلەنى شەشىپ بەرۋ ءۇشىن تاعى 6700 دوللار سۇراعانىن مالىمدەگەن.

كۇدىكتى اقشانى الۋ كەزىندە ۇستالدى. قازىرگى تاڭدا اتالعان فاكتى بويىنشا قىلمىستىق ءىس قوزعالىپ، تەرگەۋ ءجۇرىپ جاتىر.