وزبەكستاندىق ەكى دۇركىن وليمپيادا چەمپيونى ەكى جىلعا جارىستان شەتتەتىلدى
استانا. KAZINFORM - وزبەكستاندىق تاەكۆوندوشى، ەكى دۇركىن وليمپيادا چەمپيونى ۋلۋگبەك راشيتوۆ دوپينگكە قارسى ەرەجەلەردى بۇزعانى ءۇشىن ەكى جىلعا سپورتتان شەتتەتىلدى، دەپ حابارلايدى حالىقارالىق دوپينگ-تەست اگەنتتىگى (ITA).
ITA مالىمدەمەسىندە سپورتشىنىڭ وتكەن جىلى ءوزىنىڭ تۇرعان جەرىن كورسەتۋ ەرەجەلەرىن ءۇش رەت بۇزعانى، بۇل دوپينگكە قارسى ەرەجەنى بۇزۋ (ADRV) رەتىندە جىكتەلگەنى ايتىلعان.
راشيتوۆ زەرەجە بۇزۋشىلىق تۋرالى ايىپتاۋعا قارسى شىقپاعانى جانە ITA ۇسىنعان سانكسيالارمەن كەلىسكەنى اتاپ ءوتىلدى.
سپورتشىنىڭ سپورتتان شەتتەتىلگەن مەرزىمى ەرىكتى تۇردە ۋاقىتشا شەتتەتىلگەن كۇننەن باستاپ - 2025 -جىلدىڭ 13-مامىرىنان باستالادى جانە 2027 -جىلدىڭ 12-مامىرىنا دەيىن جالعاسادى.
سونىمەن قاتار سپورتشىنىڭ ەرەجە بۇزۋشىلىق جاسالعان كەزدەن باستاپ (2025 -جىلدىڭ 3 -اقپانى) ديسكۆاليفيكاتسيا كەزەڭى باستالعانعا دەيىن كورسەتكەن بارلىق جەكە جارىس ناتيجەلەرى جويىلادى.
ەسكە سالا كەتەيىك، وزبەكستاندىق اۋىر اتلەت دوپينگ قولدانعانى ءۇشىن جارىستان شەتتەتىلگەنى جايلى جازعان ەدىك.