وزبەكستاندا سوعىس ارداگەرلەرىنە «جەڭىستىڭ 80 جىلدىعى» مەدالى بەرىلەدى
تاشكەنت. KAZINFORM - وزبەكستان پرەزيدەنتى شاۆكات ميرزيەيەۆ ۇلى جەڭىستىڭ 80 جىلدىعىن اتاپ وتۋگە باعىتتالعان جارلىققا قول قويدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
قۇجاتقا سايكەس، ۇلى وتان سوعىسىنىڭ ارداگەرلەرىنە 10 مىڭ دوللار كولەمىندە ءبىر رەتتىك اقشالاي سىياقى بەرىلەدى. سونىمەن قاتار، دارەجەسى وسى ساناتتاعى ادامدارعا تەڭەستىرىلگەن وزبەكستاندىقتارعا 25 ميلليون سۋم (شامامەن 970 مىڭ تەڭگە) ۇسىنىلادى.
ال 1941-1945 -جىلدار ارالىعىندا مايدان قاجەتتىلىگى ءۇشىن ەڭبەككە تارتىلعان ازاماتتار 3 ميلليون سۋم (116 مىڭ تەڭگە) الادى.
جارلىقتا جازىلعانداي، بۇل باعىتتاعى شىعىستار رەسپۋبليكالىق بيۋدجەت ەسەبىنەن وتەلەدى.
بۇعان قوسا، سوعىس ارداگەرلەرىنە جەڭىستىڭ 80 جىلدىعى مەدالى بەرىلەدى، سونداي-اق ءتۇرلى ءىس-شارالار ۇيىمداستىرىلادى. قۇجاتقا سايكەس، 9- مامىر كۇنى ساعات 21:00-دە تاشكەنت قالاسىندا وتشاشۋ بولادى.
قوسا كەتسەك، بيىل ەكىنشى دۇنيەجۇزىلىك سوعىستاعى جەڭىسكە 80 جىل تولادى. وسىعان بايلانىستى ت م د ەلدەرىندە 2025 -جىل «جەڭىستىڭ 80 جىلدىعى جانە ناتسيزمگە قارسى كۇرەستەگى بىرلىك جىلى» دەپ جاريالاندى.
ۇستىمىزدەگى جىلى استاناداعى ۇلى وتان سوعىسىنىڭ ارداگەرلەرىنە 5 ميلليون تەڭگەدەن بەرىلەدى
اۆتور
ءاليحان اسقار