ەندى ساقال وسىرگەندەرگە ايىپپۇل سالىنادى

قىرىنۋدان باس تارتقان ەر ادامدار بۇزاقىلىق جاسادى جانە پوليتسيا قىزمەتكەرلەرىنىڭ «زاڭدى تالاپتارىنا» قارسى شىقتى دەپ ايىپتالادى.

وزبەكستاندا ساقال قوياتىن ەر ادامدارعا تىيىم سالىنىپ جاتىر، دەپ حابارلادى turkystan.kz سايتى Podrobno.uz باسىلىمىنا سىلتەمە جاساپ.
جوعارعى سوتتىڭ مالىمەتىنشە، وزبەكستاننىڭ بىرنەشە وڭىرىندە ساقال قويعان ەر ادامدار جاۋاپقا تارتىلدى. مۇنداي جاعداي كوبىنە دجيزاك، سامارقان، ءاندىجان جانە فەرعانا وبلىستارىندا تىركەلدى.

بىلتىر 31-قازاندا قوعامدىق ورىنداردا مەديتسينالىق كورسەتىلىم نەگىزىندە جابىلۋ نەمەسە جول-كولىك قوزعالىسىندا قاۋىپسىزدىكتى قامتاماسىز ەتۋ ءۇشىن كيىلەتىن ارنايى باس كيىم كيىپ ءجۇرۋ جاعدايلارىن قوسپاعاندا، جەكە باسىن سايكەستەندىرۋگە مۇمكىندىك بەرمەيتىن دارەجەدە بەتىن جاۋىپ جۇرەتىندەر ءۇشىن اكىمشىلىك جاۋاپكەرشىلىك تۋرالى كودەكسكە تۇزەتۋلەر تۋرالى زاڭ قابىلداندى.

باسىلىمنىڭ مالىمەتىنشە، زاڭدى بۇزعاندارعا 10-نان 15-كە دەيىن ق د ب (3,4 ميلليوننان 5,1 ميلليون سۋمعا دەيىن) ايىپپۇل سالىنادى. قازاقستاندىق تەڭگەگە شاققاندا بۇل 2 ميلليونعا جۋىق قاراجات.

سوت قاۋلىلارىنىڭ دەرەكتەر بازاسىندا اكىمشىلىك جاۋاپكەرشىلىك تۋرالى كودەكستىڭ184−4-بابىندا كورسەتىلگەن بارلىعى 789 ءىس بار. اتالمىش باپ بويىنشا ءبىرىنشى سوت شەشىمى 23-قاراشادا شىققان.

قىرىنۋدان باس تارتقان ەر ادامدار بۇزاقىلىق جاسادى جانە پوليتسيا قىزمەتكەرلەرىنىڭ «زاڭدى تالاپتارىنا» قارسى شىقتى دەپ ايىپتالادى.