وزبەكستاندا سالىناتىن ا ە س- ءتىڭ قۇنى 2 ميلليارد دوللاردان اسپايدى

تاشكەنت. KAZINFORM - وزبەكستاندا بوي كوتەرەتىن از قۋاتتى ا ە س-ءتىڭ قۇنى 2 ميلليارد دوللاردان از بولادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

جوبانىڭ قۇنى تۋرالى Alter Ego ارناسىنا سۇحبات بەرگەن Uzatom اگەنتتىگىنىڭ ديرەكتورى ازيم احمەدحادجايەۆ ءمالىم ەتتى.

- ستانسيانىڭ قۇنى 2 ميلليارد دوللاردان از بولادى. بۇل ءبىز جوبالاپ وتىرعان مەجە. مەن ناقتى ءارى تۇپكىلىكتى قانشا قاراجات جۇمسالاتىنىن ازىرگە ايتا المايمىن. ويتكەنى، بۇل باعىتتا ءالى دە جۇمىس جۇرگىزىپ جاتىرمىز، - دەدى ازيم احمەدحادجايەۆ.

ونىڭ ايتۋىنشا، اگەنتتىك قازىرگى ۋاقىتتا ارتىق شىعىنداردى قىسقارتۋعا ەكپىن قويىپ جاتىر. وسىلايشا، بۇگىنگە دەيىن ا ە س سالۋ جوباسى اياسىندا 300 ميلليون دوللار ۇنەمدەلگەن.

ازيم احمەدحادجايەۆتىڭ مالىمەتىنشە، قۇرىلىسقا رەسەي تاراپىنان اقشا تارتپاي، ونىڭ ورنىنا ا ە س- ءتى شەتەلدىك ينۆەستيتسيا، جەڭىلدىكپەن ۇسىنىلاتىن قىتايلىق نەسيەلەر ەسەبىنەن قارجىلاندىرۋ جوسپارلانىپ وتىر. بۇل رەتتە مەملەكەتتىك بيۋدجەت بارىنشا از پايدالانىلماق.

ەسكە سالايىق، وزبەكستاندا رەسەيلىك تەحنولوگيا بويىنشا وڭىردەگى العاشقى از قۋاتتى اتوم ەلەكتر ستانسياسى سالىنادى. ءارقايسىسىنىڭ قۋاتى 55 م ۆ ت بولاتىن 6 رەاكتور (جالپى قۋاتى - 330  مۆ ت) دجيزاك وبلىسىنداعى تۋزكان كولىندە بوي كوتەرەدى. ا ە س- ءتىڭ العاشقى رەاكتورى 2029 -جىلدىڭ سوڭىندا ىسكە قوسىلماق. ال ول تولىق قۋاتتا 2033 -جىلدان باستاپ جۇمىس ىستەيدى دەپ جوسپارلانعان.

وسىعان ساي، تاياۋدا وزبەكستان مەن رەسەي ا ە س سالۋ كەلىسىمشارتىنىڭ كۇشىنە ەنۋ حاتتاماسىنا قول قويدى.

سونىمەن قاتار، ا ە س سالۋ ءۇشىن حالىقارالىق كونسورسيۋم قۇرىلادى.

بۇعان قوسا، تاياۋدا Kazinform اگەنتتىگىنە سۇحبات بەرگەن Uzatom اگەنتتىگىنىڭ ديرەكتورى ازيم احمەدحادجايەۆ العاشقى ۋاقىتتا وزبەكستان يادرولىق وتىن قالدىعىن سالىناتىن ا ە س- ءتىڭ اۋماعىندا ساقتايتىنىن ءمالىم ەتتى.