وزبەكستاندا جۇرگىزۋشى فۋتبولداعى جەڭىلىس ءۇشىن كولىگىمەن ادامداردى باسىپ كەتپەك بولدى

تاشكەنت. KAZINFORM - وزبەكستاندا سامارقاند وبلىسىنىڭ نۇراباد اۋدانىنداعى مەكتەپ ستاديونىندا Nexia جۇرگىزۋشىسى كولىگىمەن ادامداردى باسىپ كەتە جازدادى. ول مۇنى كومانداسىنىڭ فۋتبولدا جەڭىلگەنى ءۇشىن جاساعانىن ايتتى، دەپ حابارلايدى Gazeta.uz.

جۇرگىزۋشى ۇستالىپ، كولىگى ۋاقىتشا ايىپپۇل تۇراعىنا قويىلعان. جۇرگىزۋشىگە قاتىستى اكىمشىلىك حاتتاما تولتىرىلدى.

- مەن كوماندامىز فۋتبولدا جەڭىلگەنى ءۇشىن وسىلاي ىستەدىم. ءىس-ارەكەتىمە قاتتى وكىنەمىن، - دەيدى ول.

ايتا كەتەيىك، وزبەكستاندا جەدەل جاردەم كولىگىمەن وتىن تاسىعان جۇرگىزۋشى قىزمەتىنەن بوساتىلعانىن جازدىق.

سونداي-اق، كورشى ەلدە ماس كۇيىندە كولىك تىزگىندەگىن 30 مىڭنان استام جۇرگىزۋشى جازالاندى.

اۆتور

جاراسقان نۇرىبايەۆ