وزبەكستاندا حالىق ەمشىلەرىنە تىيىم سالىندى

وزبەكستان پرەزيدەنتى شاۆكات ميرزيەيەۆ مەديتسينا سالاسىن رەتتەيتىن زاڭنامالىق اكتىلەرگە وزگەرىستەر مەن تولىقتىرۋلار ەنگىزەتىن جاڭا زاڭعا قول قويدى.

وزگەرىستەرگە سايكەس ەمشىلەرگە ءداستۇرلى مەديتسينا سالاسىندا رۇقسات ەتىلمەگەن ەمدەۋ ادىستەرىنىڭ كومەگىمەن دياگنوز قويۋعا جانە جارناما جاساۋعا تىيىم سالىنادى.

"حالىق مەديتسيناسىندا جۇمىس ىستەۋگە قۇقىعى جوق تۇلعالاردىڭ ازاماتتارعا دياگنوستيكا جانە ەمدەۋ بويىنشا مەديتسينالىق قىزمەت كورسەتۋى، سونداي-اق حالىق مەديتسيناسى سالاسىندا رۇقسات ەتىلمەگەن ادىستەردى پايدالانا وتىرىپ، ماتەريالدىق نەمەسە مۇلىكتىك پايدا تابۋعا باعىتتالعان قىزمەت كورسەتۋى ءۇشىن اكىمشىلىك جاۋاپكەرشىلىك بەلگىلەندى. سونىمەن قاتار بۇل قىزمەتتەردى جاريا تۇردە ناسيحاتتاعانى ءۇشىن دە اكىمشىلىك جاۋاپكەرشىلىك قاراستىرىلعان"، - دەپ جازىلعان اقپاراتتا.

جەرگىلىكتى ب ا ق مالىمەتىنشە، زاڭسىز حالىقتىق مەديتسينالىق قىزمەتپەن اينالىساتىن جانە ونى جارنامالايتىن ازاماتتارعا 7,5 ميلليون سۋمعا دەيىن ايىپپۇل سالىنادى.

"قۇقىقبۇزۋشىلىقتار ايىپپۇل سالىنعاننان كەيىن ءبىر جىل ىشىندە قايتالانسا، 15 كۇنگە دەيىن قاماۋعا الۋعا اكەپ سوعۋى مۇمكىن"، - دەپ جازىلعان حابارلامادا.

بۇل زاڭعا وزبەكستان پرەزيدەنتى 5-قاراشادا قول قويدى.

ايتا كەتەيىك، بۇعان دەيىن قىرعىزستاندا كورىپكەلدەر مەن سيقىرشىلاردىڭ قىزمەتتەرىن جارنامالاۋعا رەسمي تۇردە تىيىم سالىندى. ءتيىستى زاڭعا شىلدەدە پرەزيدەنت سادىر جاپاروۆ قول قويدى.

ەسكە سالايىق، بۇعان دەيىن قازاقستاندىقتار بالگەرلەر مەن كورىپكەلدەردىڭ قىزمەتتەرىنە قانشا جۇمساعانى بەلگىلى بولدى.

Massaget.kz