تاشكەنت. KAZINFORM - وزبەكستانداعى جالپى سانى 34,5 مىڭ قۇرىلىس كومپانياسىنىڭ 10,9 مىڭى ەسەپ قۇجاتتارىندا كاسىپورىندا تەك 1 قىزمەتكەر جۇمىس ىستەيدى دەپ كورسەتكەن. بۇل تۋرالى كاسىپكەرلەرگە ارنالعان سەمينار بارىسىندا ساۋدا-ونەركاسىپ پالاتاسىنىڭ ءتوراعاسى داۆرون ۆاحابوۆ ايتتى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
داۆرون ۆاحابوۆتىڭ مالىمدەۋىنشە، 4,1 مىڭ كومپانيا تەك 2 قۇرىلىسشىسى بار ەكەنىن كورسەتسە، 5,5 مىڭ كومپانيا 4-10 مامان رەسمي قىزمەتپەن قامتىلعانىن العا تارتقان.
ال بىلتىر وزبەكستاندىق قۇرىلىس كومپانيالارى جالپى سوماسى 150 تريلليون سۋمعا باعالانعان وبەكتىلەردى سالعان.
ونىڭ ىشىندە نىسانداردىڭ p دان استامى - تۇرعىن ءۇي مەن الەۋمەتتىك نىساندار.
پالاتا ءتوراعاسى اتاپ وتكەندەي، بۇگىندە قۇرىلىس سالاسىندا 417 مىڭنان استام ادام جۇمىسپەن قامتىلعان.
قوسا كەتسەك، تاياۋدا وزبەكستان پرەزيدەنتى سالاداعى ولقىلىقتاردىڭ سالدارىنان قۇرىلىستا 50 تريلليون سۋم ($4 ميلليارد) كولەڭكەدە قالىپ وتىرعانىن مالىمدەگەن بولاتىن.
اۆتور
ءاليحان اسقار
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан