وزبەكستانعا بارۋ جەڭىلدەيدى

  ءماجىلىستىڭ جالپى وتىرىسىندا دەپۋتاتتار وزبەكستانعا بارعان قازاقستاندىقتاردى ۋاقىتشا ەسەپكە تۇرعىزباي، 30 كۇن بولۋعا مۇمكىن بەرەتىن زاڭدى قابىلدادى.

وتىرىستا ىشكى ىستەر ءمينيسترى ەرجان سادەنوۆ "2000 -جىلعى 7-شىلدەدەگى قازاقستان ۇكىمەتى مەن وزبەكستان ۇكىمەتى اراسىنداعى ازاماتتاردىڭ ءوزارا ساپارلارىنىڭ شارتتارى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى" زاڭ جوباسىنىڭ ماڭىزدى تۇسىنا توقتالدى.

"حاتتاماعا مەملەكەت باسشىسىنىڭ تاشكەنتكە ساپارى بارىسىندا 2022 -جىلعى جەلتوقساندا قول قويىلعان. بۇل قۇجاتپەن قوس ەل ازاماتتارى ءۇشىن بىردەي نەگىزدە ۋاقىتشا ەسەپكە تۇرماي 30 كۇن بولۋ بەلگىلەنبەك. وسى مەرزىم اياقتالعاننان كەيىن ولار ۋاقىتشا تۇرۋعا رۇقسات الۋعا مىندەتتى. نەگىزدەر - جۇمىس ىستەۋ، ەمدەلۋ، وقۋ، وتباسىمەن بىرىگۋ، بيزنەس جۇرگىزۋ. وسىلايشا، ءبىز كوشى- قوندى باقىلايمىز. ودان باسقا بولۋ مەرزىمىن جاڭارتۋ ماسەلەسى شەشىلمەك. الايدا ازاماتتاردىڭ بولۋ مەرزىمى 6 اي ىشىندە 90 تاۋلىكتەن اسپاۋعا ءتيىس"،-دەدى مينيستر.

ونىڭ ايتۋىنشا، قازىرگى تاڭدا قازاقستان ازاماتتارى وزبەكستانعا بارسا، 5 كۇن ىشىندە تىركەۋدەن وتۋگە مىندەتتى.

"ەلىمىزدە مىندەتتى تىركەۋ مەن كوشى-قون كارتوچكاسى بارلىق شەتەلدىك ءۇشىن 2020-جىلدان باستاپ تالاپ ەتىلمەيدى. بۇل تۇزەتۋ ءبىزدىڭ باستاما بويىنشا ازىرلەندى. وزبەكستان تاراپى حاتتامانى 2023 -جىلعى ساۋىردە راتيفيكاتسيالادى. حاتتامانى راتيفيكاتسيالاۋ ازاماتتاردىڭ بولۋى ءۇشىن قولايلى جاعداي جاساپ، ەكى ەلدىڭ ىنتىماقتاستىعىن نىعايتادى"،-دەدى ەرجان سادەنوۆ.

اياز ەسەن

Massaget.kz