تاشكەنت. KAZINFORM - وزبەكستان پرەزيدەنتى شاۆكات ميرزيەيەۆتىڭ تاپسىرماسى بويىنشا الاپات سەلدەن زارداپ شەككەن قىرعىزستاننىڭ وش جانە باتكەن اۋداندارىنىڭ تۇرعىندارىنا گۋمانيتارلىق كومەك جىبەرىلدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
وزبەكستاننىڭ سىرتقى ىستەر مينيسترلىگىنە قاراستى Dunyo اگەنتتىگىنىڭ مالىمەتىنشە، جۇك باتكەن وبلىسىنداعى قىزىلقيا شەكارا بەكەتىنە جەتكىزىلىپ، نووكات اۋدانىنىڭ اكىمشىلىگىنە تابىستالدى.
گۋمانيتارلىق كومەكتى جەتكىزگەن وزبەكستاندىق دەلاگاتسيا مۇشەلەرى سەل سالدارىنان قازا تاپقانداردىڭ وتباسىلارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ءوز كەزەگىندە قىرعىز تاراپى وزبەكستان پرەزيدەنتىنە جانە وزبەك حالقىنا گۋمانيتارلىق كومەك جىبەرىپ، قولداۋ كورسەتكەنى ءۇشىن العىسىن جەتكىزدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.