استانا. قازاقپارات - بوكستان برازيليادا ءوتىپ جاتقان World Boxing ۇيىمىنىڭ الەم كۋبوگىندە وزبەكستاندىق ەتنيكالىق قازاق ماديار دانياروۆ العاشقى جەكپە-جەگىن ءساتتى وتكىزدى.
ول فوس-دۋ-يگۋاسۋ شارشى الاڭىندا 60 كەلىدە جۇدىرىقتاسىپ جاتىر. دانياروۆ شيرەك فينالدا يتاليالىق ميكەلە بالداسسيدى 4:1 ەسەبىمەن جەڭدى. ءسويتىپ جارتىلاي فينالعا جولداما الدى. ياعني، مادياردىڭ قورجىنىندا كەمى قولا جۇلدە بار.
ايتا كەتەيىك، بۇل جارىسقا قازاقستاننىڭ اتىنان 8 بوكسشى اتتانعان. ولاردىڭ ەكەۋى جەڭىلىپ قالدى. الدىمەن 60 كەلىدەگى تالعات سىرىمبەتوۆ برازيليالىق لۋيس وليۆەيراعا جول بەرسە، 50 كەلى سالماقتاعى نۇرزات وڭعاروۆ وزبەك بوكسشىسى اسيلبەك جاليلوۆقا ەسە جىبەردى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.