استانا. KAZINFORM - تاشكەنتتە اياقتالعان وزبەكستان چەمپيوناتىندا 6 قازاق بوكسشىسى جۇلدەگە قول جەتكىزدى. بوكستان 13 سالماق دارەجەسى بويىنشا وتكەن سىندا جەرگىلىكتى ەتنيكالىق قازاق سپورتشىلارى كەزەكتى رەت ۇلتتىق قۇراما ساپىنا ەندى.
ونىڭ ىشىندە 63,5 كەلىدە الەم چەمپيونى رۋسلان ابدۋللايەۆ پەن 60 كەلىدە ماديار دانياروۆ وزبەكستان چەمپيونى اتاندى. سونداي-اق، ماديار سايدراحيموۆ، ارمان ماحانوۆ كۇمىس جۇلدەگە يە بولسا، سايات يلياسوۆ پەن سابىرجان تاستانوۆ قولا جۇلدەگە قول جەتكىزدى.
ايتا كەتەتىن جايت، ەرلەر مەن ايەلدەر ساناتى بويىنشا ەرەسەكتەر اراسىنداعى بوكستان وزبەكستان چەمپيوناتى 20-28-قاڭتار ارالىعىندا ءوتتى.
تۋرنيردىڭ ىرىكتەۋ كەزەڭى 21-25-قاڭتار كۇندەرى وزبەك استاناسىنداعى وليمپيادالىق جانە پاراليمپيادالىق سپورت تۇرلەرى دايىندىعى ورتالىعىندا ۇيىمداستىرىلسا، جارتىلاي فينال مەن فينالدىق جەكپە-جەكتەر 26-28-قاڭتار كۇندەرى «رەنەسسانس حول» عيماراتىندا جالعاستى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.