تاشكەنت. KAZINFORM - وزبەكستاننىڭ اتوم ەنەرگەتيكاسى اگەنتتىگىنىڭ ديرەكتورى ازيم احمەدحادجايەۆ پەن قىتايلىق CNOS كومپانياسىنىڭ (CNNC كە ەنشىلەس كومپانيا) باس ديرەكتورى ۆەي فۋكي شانحايدا كەزدەسىپ، ەكى ەلدىڭ اتوم ەنەرگەتيكاسى سالاسىنداعى ىنتىماقتاستىعىن تالقىلادى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
«كەزدەسۋدە CNNC پەن اتوم ەنەرگياسىن بەيبىت ماقساتتا پايدالانۋ، قىتايدىڭ اەس سالۋداعى وزىق تاجىريبەسىن يگەرۋ جانە وزبەكستاندا قىتايلىق شاعىن مودۋلدىك رەاكتورلاردى قولدانۋ مۇمكىندىگىن زەردەلەۋ كەلىسىلدى»، - دەپ اتاپ ءوتتى Uzatom اگەنتتىگىنەن.
ەسكە سالا كەتەيىك، وزبەكستاندا رەسەيلىك تەحنولوگيا بويىنشا وڭىردەگى العاشقى از قۋاتتى اتوم ەلەكتر ستانتسياسى سالىنادى.
تاياۋدا وزبەكستان مەن رەسەي ا ە س سالۋ كەلىسىمشارتىنىڭ كۇشىنە ەنۋ حاتتاماسىنا قول قويدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.