وزبەكستان ەكىنشى اي قاتارىنان التىن ساتىپ الۋ بويىنشا الەمدە كوش باستادى

تاشكەنت. KAZINFORM - وزبەكستاننىڭ ورتالىق بانكى ەكىنشى اي قاتارىنان الەمدەگى ەڭ ءىرى التىن ساتىپ الۋشىلاردىڭ قاتارىندا بولدى. ماۋسىم ايىندا ەل 9 توننا قىمبات مەتال ساتىپ السا، شىلدەدە بۇل كورسەتكىش 9,6 توننانى قۇراعان.

شىلدە ايىندا وزبەكستان الەمدەگى ەڭ ءىرى التىن ساتىپ الۋشىلاردىڭ ءبىرى بولدى، دەپ حابارلادى دۇنيەجۇزىلىك التىن كەڭەسى (World Gold Council).

ءبىر ايدا الەمدىك ورتالىق بانكتەردىڭ رەزەرۆتەرى 37 تونناعا ءوستى. KAP Depo ينۆەستيتسيالىق كومپانياسىنىڭ حابارلاۋىنشا، باعالى مەتالدىڭ نەگىزگى ساتىپ الۋشىلارى پولشا ۇلتتىق بانكى - 14,3 توننا، وزبەكستاننىڭ ورتالىق بانكى - 9,6 توننا، ءۇندىستاننىڭ رەزەرۆتىك بانكى - 5,4 توننا بولدى.

ودان كەيىنگى ورىنداردى يوردانيا (4,3 توننا)، تۇركيا (3,8 توننا)، كاتار (2,3 توننا)، چەحيا (1,6 توننا) يەلەندى.

ەڭ كوپ التىن ساتۋشىلار قازاقستان (3,9 توننا) مەن موڭعوليا (0,7 توننا) بولدى.

شىلدەدەگى ساتىپ الۋلاردىڭ ارقاسىندا وزبەكستاننىڭ ورتالىق بانكى جىل باسىنان بەرى تازا التىن ساتۋشىدان تازا التىندى ساتىپ الۋشىعا اينالدى. ماۋسىم ايىندا رەگۋلياتور 9 توننا قىمبات مەتال ساتىپ الدى.

اۆتور

جاراسقان نۇرىبايەۆ