وزبەكستان 10 ايدا 6,6 ميلليارد دوللارعا التىن ەكسپورتتادى

تاشكەنت. KAZINFORM - وزبەكستان بيىلعى جىلدىڭ 10 ايىندا 6,6 ميلليارد دوللارعا التىن ەكسپورتتاعانى بەلگىلى بولدى. 2023-جىلدىڭ سايكەس كەزەڭىمەن سالىستىرعاندا 96,5 پايىزدى قۇرايدى، دەپ حابارلايدى Kazinform وزبەكستاننىڭ ستاتيستيكا اگەنتتىگىنە سىلتەمە جاساپ.

2023-جىلدىڭ قورىتىندىسى بويىنشا وزبەكستان الەمدەگى ەڭ ءىرى التىن وندىرەتىن ەلدەردىڭ اراسىندا ونىنشى ورىندى يەلەندى. 12 ايدا رەسپۋبليكادا 119,6 توننا اسىل مەتال وندىرىلگەنى اتاپ ءوتىلدى.

وتكەن جىلدىڭ سايكەس كەزەڭىمەن سالىستىرعاندا بۇل كورسەتكىش 6,7 پايىزعا ارتقان. بۇعان ەكسپورتتىڭ ايتارلىقتاي ءوسۋى (22,42 ميلليارد دوللار، 9,6+ پايىز)، سونداي-اق يمپورتتىڭ (31,92 ميلليارد دوللار، 4,7+ پايىز) ارتۋى سەبەپ بولدى.

قازان ايىندا وزبەكستان التىن ساتۋدى جالعاستىرىپ، 833,4 ميلليون دوللارعا التىن ساتتى.

جىل باسىنان بەرى باعالى مەتال ەكسپورتىنىڭ كولەمى 6,6 ميلليارد دوللاردان استى.