وزبەكستاندا ءۇشىنشى جىل قاتارىنان گاز ءوندىرىسى تومەندەپ بارادى

ۇلتتىق ستاتيستيكا كوميتەتىنىڭ مالىمەتىنشە، بىلتىر قاڭتار-ناۋرىز ارالىعىندا - 11,3 ميلليارد، ال 2024-جىلى 11,6 ميلليارد تەكشە مەتر گاز وندىرىلگەن. وسىلايشا، كورسەتكىش ءۇشىنشى جىل قاتارىنان تومەندەپ بارادى.

سونىمەن قاتار 2024-جىلدىڭ ءبىرىنشى توقسانىندا ەلدە 179,1 مىڭ توننا مۇنداي وندىرىلسە، بيىل ول 157,3 مىڭ تونناعا دەيىن ازايدى. بۇل رەتتە وزبەكستاندا جانار-جاعارماي ءوندىرىسى 304,3 مىڭ توننادان 313,2 مىڭ تونناعا دەيىن ءوستى، ال ديزەل 182 مىڭ توننادان 280,9 مىڭ تونناعا دەيىن ۇلعايدى.

ءوندىرىستىڭ قۇلدىراۋىنا بايلانىستى كورشىلەس مەملەكەت قاڭتار-ناۋرىز ارالىعىندا گاز يمپورتىن 2,2 ەسە ارتتىرىپ، رەسەي مەن تۇرىكمەنستاننان 360,5 ميلليون دوللارعا كوگىلدىر وتىن ساتىپ الدى. ال اتالعان رەسۋرستىڭ قىتايعا ەسكپورتى 36,7 ميلليون دوللارعا دەيىن قىسقاردى.

قوسا كەتسەك، بيىل ءۇش ايدا قازاقستان مەن وزبەكستان اراسىنداعى تاۋار اينالىمى 1,3 ميلليارد دوللارعا جەتتى.

ەسكە سالايىق، تاياۋدا ازيا دامۋ بانكى باسقارۋشىلار كەڭەسىنىڭ وتىرىسىندا پرەزيدەنت شاۆكات ميرزيەيەۆ جاھاندىق قاقتىعىستار وا ەلدەرى ءۇشىن جۇك تاسىمالى قۇنىنىڭ 30 پايىزعا دەيىن وسۋىنە سەبەپ بولىپ جاتقانىن ايتتى.