اۋەلى جاڭا الىپبيگە ءبىرىنشى سىنىپ وقۋشىلارى ارنالعان وقۋلىقتار كوشىرىلەدى. بۇل ءۇشىن ولارعا جاڭا كىتاپتار باسىپ شىعارىلادى.
بۇل تۋرالى وزبەكستان سەناتىنىڭ وتىرىسىندا مەكتەپكە دەيىنگى جانە مەكتەپتىك ءبىلىم ءمينيسترىنىڭ ورىنباسارى ازيزبەك تۋرديەۆ مالىمدەدى.
ونىڭ ايتۋىنشا، جاڭا الىپبيگە كوشۋ وقۋلىقتاردى جوسپارلى تۇردە جاڭارتۋمەن قاتار جۇرگىزىلەدى.
قازىر وقۋلىقتار بەلگىلەنگەن مەرزىمگە سايكەس جاڭارتىلىپ وتىرادى: 1-سىنىپ وقۋلىقتارى جىل سايىن، 2-4-سىنىپ وقۋلىقتارى ءۇش جىلدا ءبىر رەت، ال 5-11-سىنىپ وقۋلىقتارى بەس جىلدا ءبىر رەت قايتا باسىلادى.
سوندىقتان 2027 -جىلدان باستاپ وقۋلىقتاردى جاڭارتۋ مەرزىمى كەلگەن سايىن ولار جاڭا ءالىپبي نەگىزىندە شىعارىلا باستايدى.
ەسكە سالايىق، بۇعان دەيىن 10 قىركۇيەكتە وزبەكستان سەناتى لاتىن گرافيكاسىنا نەگىزدەلگەن وزبەك الىپبيىنە وزگەرىستەر ەنگىزۋدى كوزدەيتىن زاڭدى ماقۇلدادى. ەندى ءالىپبي قولدانىستاعى 26 ءارىپ پەن ءۇش ءارىپ تىركەسىنىڭ ورنىنا 28 ءارىپ جانە ءبىر اپوستروف بەلگىسىنەن تۇرادى.