جاسۋربەك چوريەۆ جوبا بويىنشا مەملەكەتتىك- جەكەمەنشىك سەرىكتەستىك تۋرالى كەلىسىم سوڭعى كەزەڭگە اياق باسقانىن جانە مامىر ايىنىڭ ورتاسىنا دەيىن قول قويىلۋى ءتيىس ەكەنىن حابارلادى. ول كەلىسىمگە قول قويىلعاننان كەيىن ۇكىمەت قىسقاشا شولۋ ۇسىناتىنىن، ناتيجەسىندە جوبا ماقۇلدانىپ، قۇرىلىس باستالاتىنىن ايتتى.
- ءبىز ماۋسىم ايىندا «جاڭا تاشكەنت» اۋەجايىنىڭ قۇرىلىسىن باستايمىز. بۇل قازىردىڭ وزىندە ناقتىلانعان شەشىم، - دەدى ول.
«جاڭا تاشكەنت» حالىقارالىق اۋەجايىن تاشكەنت وبلىسىندا سالۋ جوسپارلانعان. جوبا 1300 گەكتار اۋماققا جوسپارلانعان جانە 11 ميلليون جولاۋشى قابىلداۋعا ارنالعان.
جاڭا اۋەجاي سالۋ تۋرالى شەشىم تاشكەنتكە جولاۋشىلار اعىنىنىڭ سوڭعى سەگىز جىلدا ءۇش ەسەگە ارتىپ، جىلىنا 9 ميلليون ادامعا جەتكەنىنە جانە 2040 -جىلعا قاراي 24 ميلليوننان اساتىنىنا بايلانىستى تۋىندادى.
- ءبىز قازىرگى اۋەجايىمىزدىڭ 2029 -جىلعا قاراي تولىق قۋاتىنا جەتەتىنىن تۇسىنەمىز. سوندىقتان ءبىز ۇشاقتاردى قابىلداۋ جانە جىبەرۋ سىيىمدىلىعى كەم دەگەندە ەكى ەسەگە ارتاتىن جاڭا اۋەجاي اشۋىمىز كەرەك، - دەدى چوريەۆ.