وزبەك ءانشىسى ماقپال ءجۇنىسوۆاعا ساحنادا توسىنسىي جاسادى
استانا. KAZINFORM - وزبەك ءانشىسى اتحامبەك يۋلداشيەۆ ماقپال ءجۇنىسوۆاعا التىن بىلەزىك سىيلادى.
بۇل ۆيدەونى ماقپال ءجۇنىسوۆا الەۋمەتتىك جەلىدەگى پاراقشاسىندا ءبولىستى. ۆيدەودا «ماقپال اپامىزدىڭ مەرەيتويىنا اتحامبەك يۋلداشيەۆ تورتىن، گۇلىن بەرىپ، ىستىق ىقىلاسىن ءبىلدىرىپ، التىن بىلەزىك سىيعا تارتىپ كەتتى» دەپ جازىلعان.
«مەنى تانىدىڭىزدار ما؟ ماقپال ءجۇنىسوۆا - اڭىز ادام. قاتتى جاقسى كورەمىن، قۇرمەتتەيمىن. ماقپالدى كورگەندە 150 جىل ءومىر ءسۇرسىن دەيمىن. ونى قاتتى سىيلايمىن، سوندىقتان ءبارىن تاستاپ وتباسىمەن كەلىپ وتىرمىن»، - دەدى اتحامبەك يۋلداشيەۆ.
ماقپال ءجۇنىسوۆانىڭ ايتۋىنشا، ول وزبەك ءانشىسىن 10 جىل كورمەگەن.
جەلى قولدانۋشىلارى وزبەك ءانشىسىنىڭ ىسىنە ءتانتى بولىپ، پىكىر قالدىرعان.
«قانداي كەرەمەەت، قازاق جاساي المايتىن قۇرمەت جاساپ جاتىر!» «جۋىردا عانا وسى جىگىتتى ەسكە الىپ ەدىم، ءسىزدى سىيلاعانى، قۇرمەتىنە قۋانىپ وتىرمىن، جارايسىز، ءاردايىم وسىلاي اق كوڭىلىڭىز ءوزىڭىز ءۇشىن جاقسىلىقپەن قايتسىن!» «بار جاقسى اتاۋلىنىڭ بارلىعى يگىلىگىڭىزگە بولسىن، ءسىزدىڭ اق-كوڭىل پەيىلىڭىزگە، ماقپال حانىم!» - دەپ جازعان ولار.