پويىز بيلەتتەرىن ساتۋ ەرەجەلەرى وزگەردى

استانا. KAZINFORM - ەندى پويىز 1 ساعاتتان ارتىق كەشىكسە، بيلەت قۇنى جولاۋشىلارعا تولىق قايتارىلادى. 

كولىك ءمينيسترىنىڭ 2025 -جىلعى 11-ساۋىردەگى بۇيرىعىمەن تەمىرجول كولىگىمەن جولاۋشىلاردى، باگاجدى، جۇكباگاجدى جانە پوشتا جونەلتىلىمدەرىن تاسىمالداۋ قاعيدالارىنا وزگەرىستەر ەنگىزىلدى. بۇيرىق بيىل 22-ساۋىردەن باستاپ كۇشىنە ەنەدى.

پويىزدارعا بيلەت ساتۋ مەرزىمدەرى:

جولاۋشىلار پويىزدارىنا - پويىز جونەلتىلگەنگە دەيىن كەمىندە 45 تاۋلىكتەن 10 مينۋتقا دەيىن (بۇرىن 45 تاۋلىكتەن 1 تاۋلىككە دەيىن ەدى). ۇيىمداسقان جولاۋشىلار توبىنا وتىنىشتەر بۇل تارتىپكە كىرمەيدى؛

قالا ماڭى پويىزدارىنا - جونەلتىلۋگە دەيىن 10 تاۋلىكتەن 10 مينۋتقا دەيىن (بۇرىن 10 تاۋلىكتەن 1 تاۋلىككە دەيىن ەدى).

بيلەتتەردى ساتۋ جولاۋشىلار پويىزدارىنا جونەلتىلۋدەن 45 تاۋلىك بۇرىن استانا قالاسىنىڭ ۋاقىتى بويىنشا ساعات 07:00-دەن باستاپ جۇرگىزىلەدى.

مۇگەدەكتىگى بار ادامدارعا ارنالعان ارنايى كۋپەلەرگە بيلەتتەردى ساتۋ ءتارتىبى:

بيلەتتەردى ساتۋ اشىلعان ساتتەن باستاپ ارنايى كۋپەگە كەلەسى ساناتتاعى ادامدارعا جانە ولاردىڭ الىپ جۇرۋشىلەرىنە تەك بيلەت كاسسالارىندا رەسىمدەلەدى:

ءجۇرىپ-تۇرۋى قيىن، كومەكشى قۇرالداردى پايدالاناتىن (تاياق، بالداق، ءجۇرىس ارباسى جانە ت. ب. ) I توپتاعى مۇگەدەكتىگى بار ادامعا؛

مۇگەدەك بالاعا (18 جاسقا دەيىن)؛

مەديتسينالىق ۇيىمعا (نەمەسە ودان) جەدەل ساپارمەن بارا جاتقان ادامعا.

پويىز جونەلتىلۋىنە 7 تاۋلىك قالعاندا بيلەتتەر كەلەسى ادامدارعا رەسىمدەلەدى:

مۇگەدەكتىگى بار ادام مەن مۇگەدەك بالاعا - مۇگەدەكتىك مارتەبەسىن راستايتىن قۇجاتتاردى ۇسىنعان جاعدايدا؛

مەديتسينالىق ۇيىمعا جەدەل ساپارمەن بارا جاتقان ادامعا - مەديتسينالىق مەكەمەنىڭ ساپاردىڭ قاجەتتىلىگىن راستايتىن قۇجاتىمەن؛

الىپ ءجۇرۋشى ادامعا - جولاۋشىنىڭ قۇجاتتارىن ۇسىنعان جاعدايدا.

ءبىر كۋپەدە 4 ورىنعا دەيىن بيلەت ساتىپ الۋعا بولادى.

بيلەت رەسىمدەۋ تاسىلدەرى:

اۆتوماتتاندىرىلعان باسقارۋ جۇيەسىندە؛

فيسكالداندىرىلعان كومپيۋتەرلىك جۇيەدە؛

ديسپەتچەرلىك تەرمينال (د ت م)، ءوزىن-ءوزى قىزمەت كورسەتۋ تەرمينالدارى ارقىلى؛

ينتەرنەت-رەسۋرستار مەن جولاۋشىلار پويىزىنداعى جولسەرىك ارقىلى؛

جولاۋشىنىڭ ءبىر قۇجاتى نەگىزىندە ەلەكتروندىق جول ءجۇرۋ قۇجاتىن بەرۋ ارقىلى.

قالا ماڭى پويىزدارىنا بيلەت ساتىپ العاندا كەلەسى دەرەكتەر كورسەتىلۋى ءتيىس:

تەگى, اتى، اكەسىنىڭ اتى (بار بولسا)؛

ج س ن؛

جولاۋشى قۇجاتتارىنىڭ ءبىرىنىڭ ءنومىرى.

بيلەت ساتىپ الۋ ءۇشىن جارامدى قۇجاتتار:

ق ر ازاماتىنىڭ پاسپورتى نەمەسە جەكە كۋالىگى؛

ق ر اۋماعىنداعى شەتەلدىكتەردىڭ تۇرۋعا رۇقساتى؛

ازاماتتىعى جوق ادامنىڭ كۋالىگى؛

بوسقىن كۋالىگى؛

ق ر ديپلوماتيالىق نەمەسە قىزمەتتىك پاسپورتى؛

تەڭىزشىنىڭ جەكە كۋالىگى؛

شەتەلدىك پاسپورت؛

قايتارۋ كۋالىگى (ەگەر باسقا ەلدىڭ ازاماتى ق ر اۋماعىندا قۇجات جوعالتقان جاعدايدا)؛

تۋۋ تۋرالى كۋالىك (16 جاسقا دەيىنگى بالالارعا)؛

اسكەريلەر ءۇشىن اسكەري بيلەت.

بۇرىن قولدانىلعان ۋاقىتشا جەكە كۋالىك نەگىزىندە بيلەت ساتىپ الۋ مۇمكىندىگى الىنىپ تاستالدى.

جەڭىلدىكپەن نەمەسە تەگىن بيلەت الۋ ءۇشىن - جەڭىلدىك قۇقىعىن راستايتىن قۇجات ۇسىنىلۋى قاجەت.

جەڭىلدىكتەر مولشەرى:

الەۋمەتتىك ماڭىزى بار باعىتتاردا - جول ءجۇرۋ قۇنىنىڭ P؛

كوممەرتسيالىق باعىتتاردا - تاسىمالداۋشىنىڭ قالاۋى بويىنشا.

بارلىق مۇگەدەكتىك توپتارى مەن مۇگەدەك بالالارعا (18 جاسقا دەيىن)؛

I ،II توپتاعى مۇگەدەكتەر مەن مۇگەدەك بالالاردى الىپ جۇرەتىن ادامدارعا.

الىپ جۇرۋشىگە بيلەت تەك كەلەسى شارتپەن بەرىلەدى:

جەڭىلدىكپەن بيلەت تەك ءبىر ۆاگونعا جانە ءبىر باعىتقا رەسىمدەلگەن كەزدە؛

مۇگەدەك ادامعا جەڭىلدىكپەن بيلەت رەسىمدەلگەندە ءبىر ۋاقىتتا عانا؛

ەگەر مۇگەدەك ادامنىڭ بيلەتى قايتارىلسا، بىرگە رەسىمدەلگەن جەڭىلدىكپەن بيلەت تە قايتارىلادى؛

الايدا الىپ ءجۇرۋشىنىڭ بيلەتىن جەكە قايتارۋعا جول بەرىلەدى.

جاڭا نورما:

ەگەر مۇگەدەكتىگى بار جولاۋشى ساپاردان باس تارتسا، الىپ ءجۇرۋشى ادامعا وتىرعىزۋعا رۇقسات بەرىلمەيدى.

ۇيىمداسقان جولاۋشىلار توپتارىنا قاتىستى:

توپتان (بالالاردان) جازباشا ءوتىنىش كەمىندە 45 تاۋلىك جانە جونەلتىلۋدەن 3 تاۋلىكتەن كەشىكتىرمەي بەرىلۋى كەرەك؛

قولما-قول ەمەس تولەممەن - 6 تاۋلىكتەن كەشىكتىرمەي؛

ەگەر ءوتىنىش 6 تاۋلىكتەن از ۋاقىت ىشىندە بەرىلسە - تولەم تەك قولما-قول، 1 تاۋلىك ىشىندە، ءبىراق 3 تاۋلىكتەن كەش ەمەس.

قالا ماڭى پويىزدارىندا قول جۇگىن تاسىمالداۋ:

(جوعارى جايلىلىقتاعى ەلەكتروپويىزداردان باسقا) جۇك رەتىندە: بالالار ارباسى، موتورسىز بولشەكتەلگەن ۆەلوسيپەد، وسىمدىكتەر مەن كوشەتتەر (بيىكتىگى 180 س م-دەن اسپاۋى ءتيىس).

جۇك رەتىندە تاسىمالداناتىن بولىنبەيتىن زاتتار:

سالماعى 500 ك گ دەيىن (گاز پليتاسى، توڭازىتقىش، پاللەت، جابدىقتار، قوزعالتقىشتار، ستانوكتار)، جۇك اۋىستىرماي.

جۇك تاسىمالداۋ باعاسىن تاسىمالداۋشى بەلگىلەيدى.

بيلەت قۇنىن تولىق قايتارۋ جاعدايلارى:

پويىزدىڭ رەيسى بيلەتتىڭ وزىندە كورسەتىلگەن پويىزعا توقتاتىلعان بولسا؛

پويىز 1 ساعاتتان ارتىق كەشىكسە؛

بيلەتتەگى ورىن بەرىلمەگەن جاعدايدا (جولاۋشى باسقا ورىننان باس تارتقان جاعدايدا).

تەمىر جولدىڭ كىناسىنەن كەلىسىلگەن پويىز كەشىكسە:

جول ءجۇرۋ قۇنى مەن بارلىق الىمدار تولىق قايتارىلادى؛

قايتارۋ وپەراتسياسى ءۇشىن كوميسسيا ۇستالمايدى.

جولاۋشىلار پويىزى كەشىككەنى ءۇشىن ايىپپۇل:

بيلەت قۇنىنىڭ %3 ى ءاربىر كەشىگۋ ساعاتىنا، ءبىراق بيلەت قۇنىنان اسپايدى؛

ۆوكزال قىزمەتكەرلەرى تولتىراتىن اكت مەن جولاۋشىنىڭ ءوتىنىشى نەگىزىندە تولەنەدى؛

ءوتىنىش بەرۋ مەرزىمى - 6 اي.

بالالارمەن ساپار شەگۋ ەرەجەلەرى:

7 جاسقا دەيىنگى ءبىر بالا - تەگىن، ەگەر جەكە ورىن المايتىن بولسا؛

ورىن قاجەت بولسا - جەڭىلدىكپەن بيلەت ساتىپ الىنادى؛

ەگەر 7 جاسقا دەيىنگى بالالار سانى بىردەن كوپ بولسا - قالعان بالالارعا جەڭىلدىكپەن بيلەت ساتىپ الىنادى؛

7- 15 جاس ارالىعىنداعى بالالار - P جەڭىلدىكپەن؛

15 جاستان جوعارى - ەرەسەك بيلەت؛

بالانىڭ جاسى ساپار باستالار كۇنگە بايلانىستى انىقتالادى؛

جاسى راستالاتىن قۇجات مىندەتتى تۇردە كورسەتىلۋى ءتيىس.

كامەلەتكە تولماعان بالانى الىپ جۇرەتىن ەرەسەك ادام:

زاڭدى وكىلى بولماسا - نوتاريالدى راستالعان سەنىمحات ۇسىنۋى قاجەت (قاعاز نەمەسە سيفرلىق تۇردە)؛

سەنىمحاتسىز بالا پويىزعا وتىرعىزىلمايدى؛

ەگەر زاڭدى وكىلى پويىزدا بىرگە بولسا - سەنىمحات قاجەت ەمەس.

15 جاستان اسقان بالالار ەرەسەك ادامنىڭ قاراۋىنسىز جۇرە الادى:

نوتاريالدى راستالعان جازباشا كەلىسىمىمەن، (قاعاز نەمەسە سيفرلىق نۇسقادا).

تاياۋدا ەلىمىزدە پويىز بيلەتىن كىمدەر جەڭىلدىكپەن ساتىپ الا الاتىنى تۋرالى جازعان ەدىك.

اۆتور

داۋلەت ىزتىلەۋ