ويىن بيزنەسىنە سالىق ۇلعايادى

  ويىن بيزنەسىندەگى كورپوراتيۆتىك سالىق 25-30 پايىزعا دەيىن كوتەرىلمەك. بۇل تۋرالى سەناتتاعى، ۇكىمەت ساعاتىندا ۇلتتىق ەكونوميكا ءمينيسترى الىبەك قۋانتىروۆ ايتتى.

جاڭا سالىق كودەكسىندە قوسىمشا قۇن سالىعىن دا، ءوسىرۋ جوسپارلانىپ وتىر. ياعني ونىڭ مولشەرلەمەسى 12 پايىزدان 16 پايىزعا دەيىن ۇلعايادى. وسىلايشا بيۋدجەتكە تۇسەتىن سوما 2,4 تريلليون تەڭگەگە دەيىن ارتادى دەپ كۇتىلۋدە. ءمينيستردىڭ سوزىنە سۇيەنسەك، ستاۆكانىڭ ءوسۋى ەڭ الدىمەن يمپورتتىق تاۋارلارعا قاتىستى بولماق. ناتيجەسىندە وتاندىق بيزنەستىڭ باسەكەگە قابىلەتتىلىگى ارتا تۇسەدى. سونىمەن قاتار جاڭا زاڭدا، الكوگولدى ونىمدەر مەن ءسان- سالتانات بۇيىمدارىنا سالىناتىن سالىق مولشەرىن كوتەرۋ ماسەلەسى قاراستىرىلۋدا.

الىبەك قۋانتىروۆ، ق ر ۇلتتىق ەكونوميكا ءمينيسترى:

- ديۆيدەندتەرگە اكسيالارعا ءۇش جىلدان استام مەرزىمگە يەلىك ەتكەن كەزدە 5 پايىز، ال اكسيالارعا ءۇش از يەلىك ەتكەن كەزدە - 15 پايىز. سىياقىلار مەن قۇن ءوسىمى ءۇشىن 10 پروتسەنت. بۇدان باسقا ەۋرازيالىق ەكونوميكالىق وداق شەڭبەرىندە كەلىسىمدەردى ىسكە اسىرۋ ءۇشىن تەمەكى ونىمدەرىنە اكتسيزدەر ستاۆكالارىن كەزەڭ كەزەڭىمەن ارتتىرۋ ۇسىنىلادى. سونداي- اق ءسان- سالتانات زاتتارىنا قوسىمشا اكتسيز ەنگىزۋ بويىنشا جۇمىستار جۇرگىزىلۋدە.

www.24.kz