استانا. قازاقپارات – ش ق و پ د جەدەل باسقارۋ ورتالىعىنىڭ «102» ارناسىنا نازاربايەۆ داڭعىلىندا كۇندىزگى ۋاقىتتا بولعان توناۋ فاكتىسى تۋرالى حابارلاما تۇسكەن.
ايەل ادامنىڭ ايتۋىنشا، ءبىر دۇكەن ماڭىندا بەلگىسىز ەر ادام ونىڭ موينىنداعى التىن القاسىن جۇلىپ الىپ، وقيعا ورنىنان قاشىپ كەتكەن. جابىرلەنۋشى سول جەردە قالىپ، پوليتسيانىڭ كەلۋىن كۇتكەن.
ءۇلبى پوليتسيا ءبولىمىنىڭ قىزمەتكەرلەرى دەرەۋ كۇدىكتىنى ىزدەۋگە كىرىستى. بەينەباقىلاۋ كامەرالارىنىڭ كومەگىمەن پوليتسەيلەر ونىڭ قوزعالىس باعىتىن انىقتادى. كوپ ۇزاماي ەر ادام وقيعا ورنىنا جاقىن ماڭداعى اۋلالاردىڭ بىرىنەن بايقالدى.
پوليتسيا قىزمەتكەرلەرىنىڭ جەدەل ارەكەت ەتۋىنىڭ ارقاسىندا 37 جاستاعى ەر ادام «ءىزىن سۋىتپاي» ۇستالدى. اتالعان فاكتى بويىنشا قىلمىستىق ءىس قوزعالدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан