وڭتۇستىكتەن سولتۇستىككە: پاۆلوداردا قونىس اۋدارۋعا بولىنگەن قاراجات جىمقىرىلعان

پاۆلودار. KAZINFORM - پاۆلودار وبلىسىنىڭ پروكۋراتۋراسى «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىن ىسكە اسىرۋ اياسىندا بولىنگەن بيۋدجەت قاراجاتىن ۇرلاۋ فاكتىلەرىن انىقتادى.

باعدارلامانىڭ ساياساتى بويىنشا نيەتتى ازاماتتاردى وڭتۇستىك ايماقتاردان سولتۇستىكتەگى حالقى از ەلدى مەكەندەرگە قونىستاندىرۋ بولاتىن. تالاپ بويىنشا كوشىپ كەلۋشىلەر ساتىپ الاتىن باسپانانىڭ P- ىن مەملەكەت وتەيدى. الايدا ءۇيدىڭ قۇنى 4,2 ميلليون تەڭگەدەن اسپاۋعا ءتيىس. پروكۋراتۋرا انىقتاعانداي، بيۋدجەت قاراجاتىن ماكسيمالدى تۇرعىدا جىمقىرۋ ءۇشىن ۇيلەردىڭ قۇنى 8 ميلليون تەڭگەگە دەيىن اسىرا باعالانعان. تۇتاس سحەما بويىنشا بيۋدجەت قاراجاتىن يەمدەنگەندەر قاراۋسىز قالعان ۇيلەردى 500 مىڭ تەڭگەدەن باستاپ ساتىپ السا دا، قۇجات جۇزىندە 8 ميلليونعا دەيىن باعالاپ، جىمقىرعان.

بۇل رەتتە جەرگىلىكتى تۇرعىندار كوپتەپ كوشىپ كەتكەندىكتەن، وبلىستا 59 ەلدى مەكەننىڭ جويىلعانىن اتاپ ءوتۋ كەرەك. تەك 6 اۋداننىڭ وزىنەن 600 ميلليون تەڭگە شىعىن انىقتالىپ وتىر.

پروكۋراتۋرا تەكسەرۋ ماتەريالدارىن قازاقستان رەسپۋبليكاسى قىلمىستىق كودەكسىنىڭ 190-بابى 4-بولىگى بويىنشا س د ت ب ت- دە تىركەدى.

تەرگەۋ امالدارىن ارنايى پروكۋرور جۇرگىزىپ جاتىر.

اۆتور

باقىتگۇل اباي قىزى