وڭتۇستىك سۋداندا تىرىسقاق دەرتىنەن 73 ادام كوز جۇمدى
استانا. KAZINFORM - وڭتۇستىك سۋداننىڭ سولتۇستىگىندەگى يۋنيتي شتاتىندا وتكەن اپتادا تىرىسقاق دەرتى 73 ادامنىڭ ءومىرىن قيدى. بۇل تۋرالى Tamazuj راديوستانتسياسى ايماقتىق ۇكىمەتكە سىلتەمە جاساپ حابارلادى، دەپ جازادى Report.
مالىمەتكە سايكەس، 3,7 مىڭ جەرگىلىكتى تۇرعىن اۋرۋ جۇقتىرعان. ءولىم سانى ايتارلىقتاي كوپ بولۋى مۇمكىن، 73 ءولىم تەك اۋرۋحانالاردا عانا تىركەلدى، دەلىنگەن حاباردا.
يۋنيتي شتاتىنداعى بوسقىندار لاگەرلەرى ەپيدەميا وشاعىنا اينالعان، ب ۇ ۇ مالىمەتى بويىنشا ول جەردە ادامداردىڭ ءومىر ءسۇرۋى ءۇشىن قاراپايىم سانيتارلىق جاعدايلار جاسالماعان.
«شەكاراسىز دارىگەرلەر» گۋمانيتارلىق ۇيىمى وڭتۇستىك سۋداننىڭ سولتۇستىك ايماقتارىندا جۇمىس جۇرگىزۋدە. بۇل ايماق تىرىسقاق دەرتىنىڭ بەلەڭ الۋىمەن قاتار گۋمانيتارلىق اپاتتىڭ قۇرساۋىندا قالعان.
ايتا كەتەيىك، ب ۇ ۇ گۋمانيتارلىق ماسەلەلەرلى ۇيلەستىرۋ باسقارماسىنىڭ (گ م ۇ ب) مالىمەتىنشە، وڭتۇستىك سۋدانداعى الاپات سۋ تاسقىنى 1,4 ميلليون ادامنىڭ ومىرىنە زاردابىن تيگىزگەن، 379 مىڭ ادام ءۇيىن تاستاپ كەتكەن.
بۇعان دەيىن سۋداندا 130 ايەل جىنىستىق زورلىقتان جالتارۋ ءۇشىن ءۇشىن ءوز- وزىنە قول جۇمساعانى تۋرالى جازعان ەدىك.