وڭتۇستىك كورەيانىڭ زاڭ شىعارۋشىلارى پرەزيدەنتكە يمپيچمەنت جاريالاۋ تۋرالى ۇسىنىسقا بويكوت جاريالادى
استانا. KAZINFORM - بيلىكتەگى «حالىقتىق بيلىك» پارتياسىنىڭ ەكى دەپۋتاتىنان باسقاسى پرەزيدەنت يۋن سوك يەلعا يمپيچمەنت جاريالاۋ تۋرالى ۇسىنىسقا داۋىس بەرۋگە بويكوت جاريالادى، دەپ حابارلايدى Yonhap.
داۋىس بەرۋ پارلامەنتتىڭ جالپى وتىرىسىندا بارلىق وپپوزيتسيالىق زاڭ شىعارۋشىلار مەن تەك ەكى حالىقتىق بيلىك پارتياسىنىڭ زاڭ شىعارۋشىسى ان چحول سۋ مەن كيم يەا دجيدىڭ قاتىسۋىمەن ءوتتى.
حالىقتىق بيلىك پارتياسىنىڭ باسقا زاڭگەرلەرى ءبىرىنشى حانىم كيم كەون حيگە قاتىستى سىبايلاس جەمقورلىق ايىپتاۋلارىن تەرگەۋ ءۇشىن ارنايى پروكۋروردى تالاپ ەتەتىن زاڭ جوباسىنا قايتا داۋىس بەرۋگە قاتىسقاننان كەيىن سەسسيادان شىعىپ قالدى، اقىرىندا ول قابىلدانبادى.
ۇلتتىق اسسامبلەيا سپيكەرى ۋ ۆون سيك حالىقتىق بيلىك پارتياسىنىڭ زاڭ شىعارۋشىلارىن سەسسياعا قايتىپ، پارلامەنتتىڭ ۇشتەن ەكىسىنىڭ قولداۋىن تالاپ ەتەتىن يمپيچمەنت تۋرالى ۇسىنىسقا داۋىس بەرۋگە شاقىردى.
ەستەرىڭىزگە سالا كەتەيىك، وپپوزيتسيالىق بلوكتا 192، ر ب پ 108 ورىنعا يە.
كۇننىڭ باسىندا يۋن سوك يەل سەيسەنبىگە قاراعان ءتۇنى ەلگە اسكەري جاعداي ەنگىزۋ ارەكەتىنىڭ ساتسىزدىگىنەن تۋىنداعان قوعامدىق تارتىپسىزدىك ءۇشىن ۇلتتىق تەلەديدار ارقىلى كەشىرىم سۇراپ، ەندى مۇنداي ارەكەتكە بارماۋعا ۋادە بەردى.
ەركەجان سماعۇلوۆا