وڭتۇستىك كورەيانىڭ جوعارعى سوتى Samsung باسشىسىن تولىق اقتادى
بەيسەنبى كۇنى وڭتۇستىك كورەيانىڭ جوعارعى سوتى Samsung Electronics كومپانياسىنىڭ ءتوراعاسى لي جە يەندى اقتاۋ تۋرالى ۇكىمدى كۇشىندە قالدىردى، دەپ حابارلايدى Yonhap.
بۇل شەشىم لي جە يەنعا 2015 -جىلى ەكى كومپانيا - Cheil Industries Inc. پەن Samsung C- T Corp. اراسىنداعى داۋلى بىرىگۋگە بايلانىستى اكتسيا باعاسىن قولدان وزگەرتۋ، سەنىمدى تەرىس پايدالانۋ جانە بۋحگالتەرلىك الاياقتىق بويىنشا ايىپ تاعىلعاننان ءتورت جىل ون اي وتكەن سوڭ قابىلداندى.
اتالعان بىرىگۋ ليدىڭ كومپانيا باسشىلىعىن مۇراگەرلىككە الۋداعى ماڭىزدى قادام رەتىندە باعالانعان. ويتكەنى ونىڭ اكەسى، Samsung كومپانياسىنىڭ بۇرىنعى باسشىسى لي گون حي، 2014 -جىلى ينفاركت العان.
لي جە يەن ءبىرىنشى سوتتا تاعىلعان 19 ايىپتىڭ، ال كەيىنگى سوتتا قوسىلعان ايىپتارمەن بىرگە بارلىعى 23 ايىپتىڭ بارىنەن تولىقتاي اقتالدى.
جوعارعى سوت پروكۋراتۋرانىڭ اپەللياتسياسىن قاناعاتتاندىرماي، العاشقى سوت شەشىمىندە ەشقانداي قاتە بولماعانىن مالىمدەدى.
سونداي-اق، سوت ىسىنە تارتىلعان تاعى 13 ادام مەن ۇيىم دا تولىق اقتالدى.
ءليدىڭ ادۆوكاتى سوتقا «دانا شەشىم شىعارعانى ءۇشىن» العىسىن ءبىلدىردى.