وڭتۇستىك كورەيانىڭ ءىرى اۋرۋحانالارىندا 8 مىڭنان استام دارىگەر جۇمىستان كەتتى

استانا. KAZINFORM - سەۋلدەگى بەس ءىرى اۋرۋحانادا وتا جاساۋ توقتاتىلدى جانە كەيىنگە قالدىرىلدى. بۇعان تاعىلىمدامادان ءوتۋشى دارىگەرلەردىڭ %70 دان استامى مەديتسينالىق وقۋ ورىندارىنداعى ستۋدەنتتەر سانىن كوبەيتۋ جوسپارىنا نارازىلىعى سەبەپ بولدى، دەپ حابارلايدى Yonhap.

اۋىر ناۋقاستارعا كومەك كورسەتۋدە ماڭىزدى ءرول اتقاراتىن بەس اۋرۋحانادا تاعىلىمدامادان وتكەن دارىگەرلەر جۇمىستان باس تارتقاندىقتان، وتالار توقتاتىلدى جانە كەيىنگە قالدىرىلدى.

سەيسەنبىدەگى جاعداي بويىنشا، وتستاۆكاعا كەتكەن تاعىلىمدامادان ءوتۋشى دارىگەرلەردىڭ جالپى سانى 8816 نەمەسە تىڭداۋشىلاردىڭ q,2 ىن قۇرادى، دەپ حابارلادى تىلشىلەرگە دەنساۋلىق ساقتاۋ ءمينيسترىنىڭ ەكىنشى ۆيتسە-ءمينيسترى پاك مين سۋ.

ونىڭ اتاپ وتۋىنشە، ۇكىمەت 6112 ستاجەر-دارىگەرگە جۇمىسقا ورالۋعا بۇيرىق بەرگەن.

«الەمنىڭ ەشبىر ەلىندە مەديتسينا قىزمەتكەرلەرىنىڭ ۇجىمدىق شارا قولدانىپ، اۋىر ناۋقاستاردى كومەكسىز قالدىرۋ جاعدايلارى بولعان ەمەس. مەن ءوز قۇقىقتارى پاتسيەنتتەردىڭ ومىرىنەن جوعارى تۇرادى دەپ سەنەتىن دارىگەرلەردىڭ يدەياسىنا كوڭىلىم قالدى جانە الاڭداتتى»، - دەدى ول.

ەلدىڭ ءبىلىم مينيسترلىگىنىڭ مالىمەتىنشە، 8753 مەديتسينا فاكۋلتەتىنىڭ ستۋدەنتى وقۋدان بوساتۋعا ءوتىنىش ءبىلدىردى.

بۇل مەديتسينالىق ستۋدەنتتەردىڭ جالپى سانىنىڭ C,8 قۇرايدى، دەپ حابارلايدى Yonhap.