وڭتۇستىك كورەيانىڭ بۇرىنعى پرەزيدەنتى قايتادان قاماۋعا الىندى

استانا. KAZINFORM - سوت وتكەن جىلدىڭ جەلتوقسان ايىندا اسكەري جاعداي ەنگىزۋ ارەكەتى ءۇشىن وڭتۇستىك كورەيانىڭ بۇرىنعى پرەزيدەنتى يۋن سوك يەلدى قاماۋعا الۋ تۋرالى وردەر بەردى، دەپ حابارلايدى Yonhap.

سەۋل ورتالىق اۋداندىق سوتى بۇرىنعى پرەزيدەنت ايعاقتاردى جويىپ جىبەرۋى مۇمكىن دەگەن الاڭداۋشىلىق ءبىلدىرىپ، ارنايى پروكۋرور چو ىن سوكتىڭ ءوتىنىشى بويىنشا وردەر شىعاردى.

چونىڭ كومانداسى بەس نەگىزگى ايىپ بويىنشا، سونىڭ ىشىندە يۋن سوك يەلدىڭ 3-جەلتوقساندا اسكەري جاعداي جاريالانعانعا دەيىن وتكەن جينالىسقا تەك كەيبىرىن عانا شاقىرىپ، مينيسترلەر كابينەتى مۇشەلەرىنىڭ قۇقىقتارىن بۇزدى دەگەن ايىپ بويىنشا وردەر سۇرادى. يۋن مەن ونىڭ ادۆوكاتتارى تىڭداۋعا قاتىسىپ، بارلىق ايىپتى جوققا شىعاردى، سودان كەيىن بۇرىنعى پرەزيدەنت تەرگەۋ يزولياتورىنا جەتكىزىلدى.

بۇل يۋن سوك يەلدىڭ ەكىنشى رەت تۇتقىنعا الىنۋى. ءبىرىنشىسى قاڭتاردا، ول ءالى پرەزيدەنت بولعان كەزدە بولدى، ءبىراق كەيىن سوت قاماۋعا الۋدى الىپ تاستاۋ تۋرالى ءوتىنىشتى قاناعاتتاندىرىپ، ناۋرىزدا ونى بوساتىپ جىبەردى.

بۇعان دەيىن حابارلاعانىمىزداي، سەۋل پوليتسياسى وردەر بويىنشا شەشىم جاريالانعانعا دەيىن قالانىڭ وڭتۇستىك بولىگىندەگى سوت عيماراتىنىڭ اينالاسىنا 2 مىڭعا جۋىق وفيتسەر مەن 350 گە جۋىق تەحنيكانى، سونىڭ ىشىندە قورعانىس بوگەتتەرىن ورنالاستىرۋدى جوسپارلاپ وتىر.

ايتا كەتەيىك، ارنايى پروكۋرور چو ىن سوك يۋن سوك يەلدى تۇتقىنداۋعا وردەر بەرۋ ءۇشىن تاعى دا سوتقا جۇگىندى.

ەسكە سالساق وڭتۇستىك كورەيانىڭ كونستيتۋتسيالىق سوتى پرەزيدەنت يۋن سوك يەلعا يمپيچمەنت جاريالاۋدى قولداعان ەدى.

اۆتور

ەركەجان سماعۇلوۆا