استانا. KAZINFORM - سەيسەنبى كۇنى وڭتۇستىك كورەيانىڭ چحونان قالاسىندا كولىك ماگيسترالى قۇرىلىسى الاڭىندا كوپىر وپىرىلىپ قۇلادى، دەپ حابارلايدى Yonhap اقپارات اگەنتتىگى.
بيلىكتىڭ حابارلاۋىنشا، كوپىردىڭ وپىرىلۋى سالدارىنان ەكى جۇمىسشى قازا تاۋىپ، جەتەۋى جاراقات العان.
وقيعا جەرگىلىكتى ۋاقىت بويىنشا تاڭعى ساعات 9:50 دە سەۋلدەن وڭتۇستىككە قاراي 80 شاقىرىمداي جەردە ورنالاسقان قالادا سەۋل-سەدجون كولىك ماگيسترالى ۋچاسكەسىن سالۋ كەزىندە بولعان.
كوپىردى ۇستاپ تۇرعان 50 مەترلىك بەس بولات ارقالىق جۇمىسشىلار كرانمەن تىرەكتەردىڭ اراسىن جىلجىتقان كەزدە بىرىنەن سوڭ ءبىرى قۇلاي باستادى.
وقيعا كەزىندە زارداپ شەككەندەر كوپىردىڭ استىندا بولعان.
ۇلتتىق ءورت ءسوندىرۋ اگەنتتىگىنىڭ حابارلاۋىنشا، قۇتقارۋشىلارعا ادامداردى ىزدەۋگە بۇيرىق بەرىلدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.