وڭتۇستىك كورەيادا اپتاپ ىستىقتان 5 ادام قازا تاپتى
استانا. KAZINFORM - دەنساۋلىق ساقتاۋ ورگاندارىنىڭ مالىمەتىنشە، ماۋسىم ايىنان باسىنان بەرى وڭتۇستىك كورەيادا اپتاپ ىستىقتان 630 دان استام ادام زارداپ شەكتى، دەپ حابارلايدى Kazinform Yonhap اگەنتتىگىنە سىلتەمە جاساپ.
ۇكىمەت ستاتيستيكا جۇرگىزە باستاعان 15 ماۋسىمنان بەرى اپتاپ ىستىقتان اۋىرعانداردىڭ سانى 633 كە جەتتى. ونىڭ ىشىندە 5 ادام كوز جۇمعان.
وڭتۇستىك كورەياداعى اۋرۋلاردى باقىلاۋ جانە الدىن الۋ باسقارماسىنىڭ مالىمەتى بويىنشا، سارسەنبىدە عانا 100 ادام مەديتسينالىق كومەككە جۇگىنگەن.
ناۋقاستاردىڭ كوپشىلىگى، ياعني �,9 ى - اشىق اۋادا بولعان كەزدە سيمپتومداردى سەزىنگەن.
قازىرگى كەزدە اتالعان ەلدىڭ باسىم بولىگىندە اپتاپ ىستىققا بايلانىستى ەسكەرتۋ جاريالاندى. كەنگي پروۆينتسياسىندا اۋا تەمپەراتۋراسى 35 گرادۋستى كورسەتىپ تۇر.
ەسكە سالا كەتەيىك، بۇعان دەيىن وڭتۇستىك كورەياعا كەلگەن تۋريستەر سانى بيىل 20 ميلليوننان اساتىنىن جازعان ەدىك.