2024-جىلدىڭ شىلدەسىنەن بەرى ەلدە تۋۋ كورسەتكىشى ءوسىپ كەلەدى.
وڭتۇستىك كورەيانىڭ ستاتيستيكا مينيسترلىگىنىڭ مالىمەتىنشە، تامىز ايىندا ەلدە 23703 ءسابي دۇنيەگە كەلگەن. بۇل وتكەن جىلعى 20983 سابيمەن سالىستىرعاندا كوپ. تامىز ايىنداعى تۋۋ كورسەتكىشى 2019-جىلدان بەرى العاش رەت 24 مىڭعا جۋىقتادى.
تامىز ايىندا وڭتۇستىك كورەيادا ءبىر ايەلگە شاققانداعى بالا سانى وتكەن جىلدىڭ سايكەس كەزەڭىمەن سالىستىرعاندا 0,09 عا ارتىپ، 0,87 گە جەتتى. دەگەنمەن حالىق سانىن كوشى-قونسىز تۇراقتى ۇستاپ تۇرۋ ءۇشىن بۇل كورسەتكىش 2,1 بولۋى كەرەك.
2026-جىلدىڭ قاڭتار-تامىز ايلارىندا 193783 ءسابي دۇنيەگە كەلدى. بۇل - وتكەن جىلدىڭ وسى كەزەڭىمەن سالىستىرعاندا 14,5 پايىز كوپ ءارى 2019-جىلدان بەرگى ەڭ جوعارى كورسەتكىش.
تۋۋ كورسەتكىشىنىڭ وسۋىنە ۇيلەنگەندىڭ ارتۋى، 30-39 جاس ارالىعىنداعى تۇرعىندار سانىنىڭ كوبەيۋى جانە بالا سۇيۋگە دەگەن وڭ كوزقاراستىڭ قالىپتاسۋى اسەر ەتكەن.
بۇعان دەيىن وڭتۇستىك كورەيادا تۋۋ كورسەتكىشى سوڭعى جەتى جىلداعى ەڭ جوعارى دەڭگەيگە جەتكەنى حابارلانعان بولاتىن.