«توبۋرو» دەموكراتيالىق پارتياسىنىڭ جەتەكشىسى لي جە مەن پۋسان قالاسىنداعى اۋەجايدىڭ قۇرىلىس الاڭىنا بارعان كەزدە، بەلگىسىز بىرەۋ شابۋىل جاساعان. قۇلاپ، قانسىراعان ساياساتكەر دەرەۋ اۋرۋحاناعا جەتكىزىلدى. Kazinform بۇل تۋرالى Yonhap اگەنتتىگىنە سىلتەمە جاساپ حابارلايدى.
اگەنتتىك شابۋىلشىنىڭ وقيعا ورنىندا ۇستالعانىن مالىمدەدى.
وڭتۇستىك كورەيا پرەزيدەنتى يۋن سوك ەل جەدەل تەرگەۋدى تاپسىرىپ، ليگە قولداۋ بىلدىرگەنىن جازدى پرەزيدەنت كەڭسەسى.
«يۋن ءبىزدىڭ قوعام ەشقاشان، ەشبىر جاعدايدا مۇنداي زورلىق-زومبىلىق ارەكەتتەرىنە جول بەرمەۋ كەرەك ەكەنىن اتاپ ءوتتى»، - دەلىنگەن حابارلامادا.
سوننامنىڭ بۇرىنعى ءمەرى لي جە مەن 2022 -جىلدىڭ ورتاسىنان بەرى «توبۋرو» دەموكراتيالىق پارتياسىن باسقارادى. ول 2022 -جىلدىڭ ناۋرىز ايىندا وتكەن پرەزيدەنتتىك سايلاۋدا يۋن سوك ەلدان از عانا داۋىسپەن كەم ءتۇستى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан