وڭتۇستىك كورەيا Telegram عا قارسى تەرگەۋ جۇرگىزىپ جاتىر
استانا. KAZINFORM - وڭتۇستىك كورەيا پوليتسياسى Telegram عا شيفرلانعان حابار الماسۋ پلاتفورماسىندا جاساندى ينتەللەكت ارقىلى جاسالعان جاسوسپىرىمدەردىڭ اشىق سۋرەتتەرىمەن قوسا ديپفەيك دەپ اتالاتىن پورنونىڭ تارالۋىنا «كومەكتەستى» دەگەن ايىپ تاعىپ وتىر، دەپ جازادى France 24.
ديپفەيك- پورنو جاساندى ينتەللەكت تەحنولوگياسىن قولدانا وتىرىپ، ادامداردىڭ بەت- الپەتى باسقا پورنوگرافيالىق سۋرەتتەرگە نەمەسە بەينەلەرگە سيفرلىق تۇردە ورنالاستىرىلاتىن اشىق مازمۇندى قامتيدى.
تەرگەۋدىڭ باستالۋىنا مىنا وقيعا سەبەپ بولعان. وڭتۇستىك كورەيانىڭ ءبىر ۋنيۆەرسيتەتىنىڭ ستۋدەنتتەرى وتكەن ايدا Telegram-دا زاڭسىز چات اشىپ، وندا ستۋدەنتتەردىڭ جالعان پورنوگرافيالىق ماتەريالدارىن بولىسكەن. بۇل قوعامدىق رەزونانس تۋدىردى.
- وسى قىلمىستارعا بايلانىستى سەۋل ۇلتتىق پوليتسيا اگەنتتىگى وتكەن اپتادا تەرگەۋ باستادى. ونىڭ بارىسىندا Telegram اككاۋنتتار تۋرالى بۇرىنعى سۇراۋلارىمىزعا جاۋاپ بەرمەدى، - دەدى ۇلتتىق پوليتسيا اگەنتتىگىنىڭ تەرگەۋ بيۋروسىنىڭ باسشىسى ۆۋ چون سۋ.
وڭتۇستىك كورەيا ۇلتتىق پوليتسيا بيۋروسىنىڭ مالىمەتىنشە، وتكەن اپتانىڭ وزىندە ديپفەيك پورنو بويىنشا 88 حابارلاما تۇسكەن. 24 كۇدىكتى انىقتالدى.
پوليتسيا «پلاتفورمانىڭ قىزمەتىنە قاتىستى تەرگەۋدى» كۇشەيتۋ ءۇشىن ءارتۇرلى تەرگەۋ ورگاندارىمەن، سونىڭ ىشىندە فرانسۋزدارمەن ىنتىماقتاستىق جولدارىن تابۋعا ۋادە بەردى.
بەلسەندىلەردىڭ ايتۋىنشا، وڭتۇستىك كورەيا سيفرلىق سەكسۋالدى قىلمىستار ەپيدەمياسىنان زارداپ شەگەدى، سونىڭ ىشىندە تىڭشىلىق كامەرالار مەن پورنو كەك الۋ، سونداي-اق قۇقىق بۇزۋشىلاردى جازالاۋعا زاڭ دارمەنسىز بولىپ وتىر.
ديپفەيك قىلمىسىن جاساعاندار زارداپ شەككەندەردىڭ فوتوسۋرەتتەرىن ساقتاۋ ءۇشىن Instagram سياقتى الەۋمەتتىك مەديا پلاتفورمالاردى پايدالانادى، سودان كەيىن ولار جالعان پورنوگرافيالىق ماتەريال جاساۋعا پايدالانىلادى.
بۇل ارەكەت قوعامدا نارازىلىق تۋعىزدى جانە پرەزيدەنت يۋن سوك ەلدى شەنەۋنىكتەردى «سيفرلىق سەكسۋالدى قىلمىستاردى مۇقيات زەرتتەپ، ولاردى تولىعىمەن جويۋ ءۇشىن كۇرەسۋگە» شاقىردى.
تەرگەۋ Telegram نەگىزىن قالاۋشى جانە باس ديرەكتورى پاۆەل دۋروۆ وتكەن ايدا فرانسيادا قاماۋعا الىنعاننان كەيىن باستالدى.
وعان بىرنەشە باپ بويىنشا، سونىڭ ىشىندە ەكسترەميستىك جانە زاڭسىز مازمۇنداعى اقپاراتتاردى اۋىزدىقتاماعانى ءۇشىن ايىپ تاعىلدى. جالپى ايىپ بويىنشا دۋروۆ 10 جىلعا باس بوستاندىعىنان ايىرىلۋى مۇمكىن.