وڭتۇستىك كورەيا سولتۇستىك كورەيامەن شەكاراسىنداعى داۋىس زورايتقىشتاردى بولشەكتەۋگە كىرىستى

استانا. KAZINFORM - دۇيسەنبى كۇنى وڭتۇستىك كورەيا اسكەريلەرى ەكى ەل اراسىنداعى شيەلەنىستى ازايتۋ ماقساتىندا سولتۇستىك كورەيامەن شەكارادا ورناتىلعان ۇگىت-ناسيحات دىبىس زورايتقىشتارىن بولشەكتەۋگە كىرىستى، دەپ حابارلايدى  Yonhap اگەنتتىگى.

بۇل قادام پرەزيدەنت لي جە ميەن 11-ماۋسىمدا سولتۇستىكپەن شيەلەنىسكەن قارىم-قاتىناستاردى قالپىنا كەلتىرۋ شارالارى اياسىندا داۋىس زورايتقىش ارقىلى حابار تاراتۋدى توقتاتۋعا بۇيرىق بەرگەننەن كەيىن ەكى ايدان از ۋاقىت وتكەن سوڭ جاسالدى.

- بۇل ارميانىڭ جاۋىنگەرلىك ازىرلىگىنە اسەر ەتپەي، كورەيارالىق شيەلەنىستى ازايتۋعا كومەكتەسەتىن پراكتيكالىق شارا، - دەلىنگەن قورعانىس مينيسترلىگىنىڭ مالىمدەمەسىندە.