استانا. KAZINFORM - وڭتۇستىك كورەيا پرەزيدەنتى يۋن سوك ەل حالىققا ۇندەۋ جاساپ، ەلدە بۇعان دەيىن ورناعان اسكەري جاعداي رەجيمىن توقتاتاتىنىن ءمالىم ەتتى. بۇل تۋرالى ت ا س س اگەنتتىگى Yonhap باسىلىمىنا سىلتەمە جاساي وتىرىپ حابارلادى.
وڭتۇستىك كورەيا پرەزيدەنتى ەلدەگى اسكەري جاعدايدى الىپ تاستايدى. جاقىندا ۇكىمەت وتىرىسى وتەدى.
يۋن سوك ەل بۇعان دەيىن توتەنشە جاعداي رەجيمىن قامتاماسىز ەتۋگە باعىتتالعان اسكەريلەر كەرى قايتارىلعانىن اتاپ ءوتتى.
ەسكە سالساق، بۇدان بۇرىن وڭتۇستىك كورەيا پرەزيدەنتى يۋن سوك ەل حالقىنا جولداۋ جاساپ، ەلدە اسكەري توتەنشە جاعداي جاريالاعان ەدى. وسىعان بايلانىستى كورەياداعى قازاقستان ەلشىلىگى قازاقستاندىقتارعا ۇندەۋ جاسادى.
كەيىننەن كورەيا پارلامەنتى ەلدە اسكەري جاعداي رەجيمىن الىپ تاستاۋدى تالاپ ەتكەنى بەلگىلى بولدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.