وڭتۇستىك كورەيا بىرىككەن شتابتار كوميتەتىنىڭ مالىمەتىنشە، زىمىراندار پحەنيان ماڭىنان تاڭعى ساعات 9:20 شاماسىندا ۇشىرىلعان. ولاردىڭ ءبىرى 900 شاقىرىمنان استام قاشىقتىقتى ەڭسەرگەن.
سولتۇستىك كورەيا بۇعان دەيىن 3-قازاندا ۆونسان قالاسى ماڭىنان جاپون تەڭىزى باعىتىندا بالليستيكالىق زىمىران ۇشىرعان ەدى.
كەلەسى كۇنى سولتۇستىك كورەيانىڭ مەملەكەتتىك ب ا ق-تارى پحەنياننىڭ ستراتەگيالىق ماقساتتاعى ورتا قاشىقتىققا ۇشاتىن زىمىراندى سىناقتان وتكىزگەنىن حابارلادى. سىناق «گيپەردىبىستىق ستراتەگيالىق قارۋ جۇيەسىمەن» جابدىقتالعان زىمىران بولىمشەلەرىنىڭ جاۋىنگەرلىك ازىرلىگىن پىسىقتاۋ ماقساتىندا جۇرگىزىلگەن.
بۇل سىناق وڭتۇستىك كورەيانىڭ بەيسەنبى كۇنى گيپەردىبىستىق سىرعۋ اپپاراتىن (HGV) العاش رەت سىناعان سوڭ بىرنەشە كۇننەن كەيىن جۇزەگە استى.
بۇعان دەيىن سەۋل سولتۇستىك كورەيانىڭ بەلگىسىز سناريادتار ۇشىرعانىن حابارلاعانىن جازعان ەدىك.