وڭتۇستىك كورەيا شەتەلدىكتەر ءۇشىن ەلەكتروندى كارتا جۇيەسىن ەنگىزدى

استانا. قازاقپارات – 24-اقپاننان باستاپ وڭتۇستىك كورەياعا باراتىن شەتەلدىكتەر كوشى-قون كارتاسىن ەلگە كىرۋگە ءۇش كۇن قالعاندا ونلاين تولتىرا الادى، دەپ جازادى Yonhap.

بۇل تۋرالى وڭتۇستىك كورەيانىڭ ادىلەت مينيسترلىگى حابارلادى.

E- Arrival كارتاسى (ەلەكتروندىق كەلۋ كارتاسى/كوشى-قون كارتاسى) دەپ اتالاتىن جاڭا ەلەكتروندى كارتا تەكسەرۋ ۋاقىتىن قىسقارتادى جانە اۋەجايلارداعى كەپتەلىستى جەڭىلدەتەدى. بۇل ءبىر جاعى تۋريستەردى تارتۋعا كومەكتەسەدى، دەپ اتاپ ءوتتى دەپارتامەنت.

بۇعان دەيىن وڭتۇستىك كورەياعا قىسقا مەرزىمدى ساپارلارمەن، سونىڭ ىشىندە تۋريزممەن كەلگەن شەتەلدىكتەر اۋەجايدا قاعاز تۇرىندەگى يمميگراتسيالىق كارتالاردى قولمەن تولتىرۋى قاجەت بولاتىن.

مينيسترلىك شاتىستىرماۋ ءۇشىن قاعاز جۇيەسىن جاڭا ەلەكتروندى جۇيەمەن بىرگە جىلدىڭ سوڭىنا دەيىن ساقتاۋدى جوسپارلاپ وتىر.

ەسكە سالساق وڭتۇستىك كورەياداعى 5 زاۋىت 76 مىڭعا جۋىق كولىگىن كەرى قايتارىپ الاتىنىن جازعان ەدىك.