وڭتۇستىك كورەيا عالىمدارى ميدى قاشىقتان باسقارۋدىڭ جاڭا ءادىسىن ويلاپ تاپتى

استانا. قازاقپارات - وڭتۇستىك كورەيا عالىمدارى تىشقانداردىڭ ميىنداعى نەيروندىق جولداردى ماگنيت ءورىسى ارقىلى باسقارۋدىڭ جاڭا ءادىسىن ويلاپ تاپتى. بۇل زەرتتەۋ تۋرالى Nature Nanotechnology جۋرنالىندا جاريالاندى.

وڭتۇستىك كورەيانىڭ نەگىزگى عىلىمدار ينستيتۋتىنىڭ (IBS) عالىمدارى گەنەتيكا، نانوبولشەكتەر جانە ماگنيت ورىستەرىنىڭ كومبيناتسياسىن پايدالانا وتىرىپ، مي جولدارىن باسقارۋدىڭ جاڭا ءادىسىن جاسادى. بۇل ءادىستى ولار Nano-MIND دەپ اتادى. تەحنولوگيا تىشقانداردىڭ ميىنداعى ارنايى نەيروندىق تىزبەكتەردى قاشىقتان باسقارۋعا مۇمكىندىك بەرەدى.

«بۇل ماگنيت ءورىسىن پايدالانا وتىرىپ، ميدىڭ بەلگىلى ءبىر ايماقتارىن ەركىن باسقارۋدىڭ الەمدەگى العاشقى تەحنولوگياسى»، - دەيدى IBS نانومەديتسينا ورتالىعىنىڭ ديرەكتورى جانە اعا اۆتورى دجينۆۋ چون.

بۇل تەحنولوگيانىڭ دالدىگى نەيروندىق جولداردى كارتاعا ءتۇسىرۋ نەمەسە جاڭا ەمدەۋ ادىستەرىن سىناۋ ءۇشىن زەرتتەۋشىلەرگە ۇلكەن كومەك كورسەتەدى. بولاشاقتا وسىنداي نانوتەحنولوگيالاردى قولدانۋ ادامداردىڭ ناشار پسيحيكالىق دەنساۋلىعىن ەمدەۋدە نەمەسە نيەۆرولوگيالىق اۋرۋلاردى ەمدەۋدە ماڭىزدى ءرول اتقارۋى مۇمكىن.