سپۋتنيكتىك قارعىباۋ ارقىلى ماماندار التايدىڭ قاي باعىتتارىندا جۇرەتىنىن، قانداي اۋماقتاردى مەكەندەيتىنىن جانە قانشالىقتى الىسقا قوزعالاتىنىن باقىلايدى. بۇل مالىمەتتەر ءىلبىستىڭ تىرشىلىگىن زەرتتەپ، ونى قورعاۋ جۇمىستارىن جوسپارلاۋ ءۇشىن قاجەت.
ءىلبىس كوبىنە ادام بارا بەرمەيتىن بيىك تاۋلاردا تىرشىلىك ەتەدى. ونى تابيعي ورتاسىندا باقىلاۋ قيىن بولعاندىقتان، سپۋتنيكتىك قۇرىلعى زەرتتەۋشىلەرگە جانۋاردىڭ قوزعالىسى تۋرالى ناقتى دەرەكتەر الۋعا مۇمكىندىك بەرەدى.
16-قازاندا ەريەۆاندا وتكەن COP17 سامميتىندە پرەزيدەنت قاسىم-جومارت توقايەۆ قازاقستانداعى ءىلبىستىڭ سانى شامامەن 190 داراققا جەتكەنىن اتاپ ءوتتى. پرەزيدەنت بۇعان تابيعاتتى قورعاۋ جانە عىلىمي باقىلاۋ جۇمىستارىنىڭ ناتيجەسىندە قول جەتكىزىلگەنىن ايتتى.
- قارعىباۋدى ورناتۋعا كاتونقاراعاي ۇلتتىق پاركىنىڭ قىزمەتكەرلەرى ە. قاسىموۆ، ج. امانبايەۆ جانە زوولوگيا ينستيتۋتىنىڭ ماماندارى ا. گراچيەۆ، م. بەسپالوۆ، س. بەسپالوۆ، س. ساپاربايەۆ قاتىستى. اتالعان جۇمىس Pernod Ricard Kazakhstan كومپانياسىنىڭ قولداۋىمەن جۇزەگە اسىرىلىپ جاتىر، - دەلىنگەن حابارلامادا.
الداعى ۋاقىتتا سپۋتنيكتەن الىنعان مالىمەتتەر نەگىزىندە التايدىڭ جۇرەتىن جولدارى مەن مەكەندەيتىن اۋماقتارى زەرتتەلەدى. بۇل وڭتۇستىك التايداعى قار بارىسىن قورعاۋ ءۇشىن قاجەت اقپاراتتى تولىقتىرۋعا كومەكتەسەدى.
ەسكە سالايىق، بۇعان دەيىن الماتى ماڭىندا تۋريستەر ءىلبىستى كەزدەستىرگەنىن جازعانبىز.