استانا. KAZINFORM - ەلىمىز وتكەن جىلى قىتايعا 215 تونناداي استام سيىر جانە تاۋىق ەتىن ەكسپورتتاعان. بۇل تۋرالى Kazinform اگەنتتىگىنىڭ ساۋالىنا قر اۋىل شارۋاشىلىعى مينيسترلىگى جولداعان رەسمي جاۋاپتا جازىلعان.
- 2024 -جىلى قىتايعا 60,8 توننا سيىر ەتى، 153,6 توننا تاۋىق ەتى ەكسپورتتالدى. ال 2025 -جىلعى قاڭتار ايىندا الماتى وبلىسىنىڭ قاراساي اۋدانىندا ورنالاسقان «Meat and Farm» ج ش س قىتاي ەلىنە 35,1 توننا سيىر ەتىن جەتكىزدى. بيىل جىل سوڭىنا دەيىن ەت ەكسپورتى وتكەن جىلدىڭ دەڭگەيىندە جوسپارلانىپ وتىر، - دەلىنگەن حابارلامادا.
وتكەن جىلى قازاقستاننان قىتايعا سيىر، جىلقى جانە تاۋىق ەتىن جەتكىزۋ كەلىسىمشارتىنا قول قويىلعان بولاتىن. سوعان ساي بيىلدان باستاپ كورشى ەلگە قازاق جىلقىسىنىڭ دا ەتى جەتكىزىلە باستاۋى ءتيىس.
سونداي-اق بىلتىر قىتايعا ەلىمىزدەن قوي ەتى نە سەبەپتى مۇلدەم ەكسپورتتالماعانى بەلگىلى بولدى.
اۆتور
ەربول جانات
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан