نوۋتبۋك نەگە قىزادى؟
قۇرىلعىنىڭ قىزىپ كەتۋىنە فوندىق پروتسەستەر مەن جۇيە قوسىلعاندا اۆتوماتتى تۇردە ىسكە قوسىلاتىن باعدارلامالار دا سەبەپ بولادى. ولار پايدالانۋشى كۇردەلى تاپسىرمالاردى ورىنداماسا دا، پروتسەسسورعا جۇكتەمە ءتۇسىرۋى مۇمكىن. مۇندايدا جەلدەتكىشتەر جىلدامىراق اينالادى، ال كومپيۋتەر سالقىنداۋ ءۇشىن جۇمىس ونىمدىلىگىن ۋاقىتشا تومەندەتۋى ىقتيمال.
نەلىكتەن نوۋتبۋكتى توسەككە قويۋعا بولمايدى؟
مامانداردىڭ ايتۋىنشا، جەلدەتۋ ساڭىلاۋلارى بىتەلسە نەمەسە لاستانسا، نوۋتبۋك ودان ءارى قىزادى. سوندىقتان ونى توسەككە نەمەسە جاستىقتىڭ ۇستىنە قويۋعا بولمايدى (جۇمساق جەرگە)، ماتا قۇرىلعى ىشىندەگى اۋا اينالىمىنا كەدەرگى كەلتىرەدى. بولمە تەمپەراتۋراسى دا نوۋتبۋكتىڭ قىزۋىنا اسەر ەتەدى.
قۇرىلعىنى قالاي سالقىنداتۋعا بولادى؟
نوۋتبۋكتى قاتتى ءارى تەگىس جەرگە قويىپ، جەلدەتۋ ساڭىلاۋلارىنىڭ اشىق ەكەنىن تەكسەرگەن ءجون.
شاڭدى جۇمساق شەتكامەن نەمەسە سىعىلعان اۋامەن ابايلاپ تازالاۋعا بولادى.
جەلدەتۋ ساڭىلاۋلارىنا بوگدە زاتتاردى سۇعۋعا بولمايدى.
پروتسەسسورعا تۇسەتىن جۇكتەمەنى قالاي تەكسەرۋگە بولادى؟
پروتسەسسورعا تۇسەتىن جۇكتەمەنى «تاپسىرمالار ديسپەتچەرى» («ديسپەتچەر زاداچ») ارقىلى تەكسەرۋگە بولادى.
بۇل ءۇشىن «جۇيە مونيتورينگى» («مونيتورينگ سيستەمى») قولدانباسى پايدالانىلادى.
قاي كەزدە سەرۆيسكە جۇگىنگەن دۇرىس؟
ەگەر نوۋتبۋك قىزىپ، جۇمىس ىستەمەي قالسا نەمەسە وزدىگىنەن قايتا جۇكتەلە بەرسە، وعان جەلدەتكىشتىڭ اقاۋى نە تەرموپاستانىڭ كەبۋى سەبەپ بولۋى مۇمكىن. مۇنداي جاعدايدا سەرۆيستىك ورتالىققا جۇگىنگەن دۇرىس.