2023-جىلدان بەرى جۇمىس ىستەيتىن جۇيە 30 سيفرلىق دەرەككوزدەگى مالىمەتتەردى پايدالانادى. ونىڭ كومەگىمەن وتباسىلاردىڭ الەۋمەتتىك جاعدايى انىقتالىپ، مەملەكەتتىك قولداۋعا مۇقتاج ازاماتتار ايقىندالادى.
باعالاۋ كەزىندە وتباسىنىڭ تابىسى، تۇرعىن ءۇيى، اۆتوكولىگى، جەر ۋچاسكەسى، كاسىپكەرلىك قىزمەتى جانە كرەديتتىك جۇكتەمەسى ەسكەرىلەدى.
- سونىمەن قاتار وتباسى مۇشەلەرىنىڭ سانى، جاسى، بالالاردىڭ، مۇگەدەكتىگى بار ادامداردىڭ بولۋى جانە باسقا دا ومىرلىك جاعدايلار نازارعا الىنادى. جيناقتالعان مالىمەتتەر نەگىزىندە وتباسىلار ءال-اۋقاتىنىڭ بەس ساناتى بويىنشا بولىنەدى: جوعارى، اۋقاتتى، قاناعاتتانارلىق، ەكونوميكالىق وسال جانە ەكونوميكالىق ءارى الەۋمەتتىك وسال. جۇيەنىڭ باستى ماقساتى - ءار وتباسىنىڭ ناقتى جاعدايىن باعالاپ، قاجەتتى الەۋمەتتىك كومەكتى دەر كەزىندە ۇسىنۋ، - دەلىنگەن اقپاراتتا.
وتباسىنىڭ سيفرلىق كارتاسى ازاماتتاردىڭ ماتەريالدىق جاعدايىن عانا ەمەس، الەۋمەتتىك قولداۋعا قاجەتتىلىگىن دە انىقتاۋعا باعىتتالعان.
ايتا كەتەيىك، بۇعان دەيىن وتباسىنىڭ سيفرلىق كارتاسىنداعى ءال-اۋقات ساناتى قاتە كورسەتىلگەن جاعدايدا قايدا جۇگىنۋ كەرەكتىگى تۇسىندىرىلگەن بولاتىن.